Tolibu akwap ngaukea ngagelagelae a ngikito. Toruput ngikinyam lu itao namanat ka ngikito a ageor, ta ngikito luche lua ngichok. Sodi kingolik Akuj nguna atamar ejokak.
Tolim Akuj tama, “Ejoikinit akwap ilelebun ngitieng lu eyarete lugelagelae lu ikote ngibaren ka ngiborei lu eliato ta ngitieng lu alomoding.” Sodi tosubakin nguna loger ngolo.
Tosubak Akuj etiengit a moding a eger keng, ani ibarasit tosubak a eger keng, ani ibore daang ni eliat tosubak a eger keng. Sodi kingolik Akuj nguna atamar ejokak.
Sodi tolim Akuj tama, “Atosubakisi itwaan kikwaanikin ka ngoni, sodi topolok ngikolia, ka ngikieny, ka ngitieng, ka akwap daang, ta ibore cha daang ni eliat alokwap.”
Tolim Akuj tama, “Kingolik a, kainak ayong iyong ekitoe daang lo eyei nakwap lo ekoniununi echokit, ta ekitoe daang a ageor lo eyei echokit. Eliworosi akimuj kus.
Ani etiengit daang lo eyei nakwap, ka ikeny daang, ta ibore daang ni eliat nabo tarai ni eyari, nginyia kesi eliworosi akimuj kech.” Tosubakin nguna loger ngolo.