×

Biblia Ande Chib Romani 2018

Genesis 12

1
Iek llive o Del phenda e Abrameke: Muk chi phuv, chi familia, o cher che dadeko ta lla ande phuv kai me ka sikavav chuke.
2
Ta che porodoia ka cherav iek bari phuv, ta ka blagosiv tut ta ka cherav sa te phinllaren tut, ta ka ave blagosipe avere llenenge.
3
Ka blagosiv golen kai ka blagosin tut ta ka dav armaia golen kai ka den tut armaia. Ta cheres tu ka blagosiv sa e sueto pe phuv.
4
Ta o Abram llelotar katar o Aran isto gia sar o Del phendaia leke te cherel ta o Lot llelo lea. A o Abram saia leke eftavardes ta panch burs kana llelotar kotar te llal ando Kanaan.
5
O Abram lia pe rromia e Saraia, ta pe phlaleke chaurre e Lote ta sa so saia len, ta i e sluge kai chindea ando Aran. Ta avile ande phuv katar o Kanaan.
6
Ta nakhlo o Abram katar goia phuv lligo ni avilo ando Sikem kai o kas katar o More. Ondaka ande gua vreme e kananeura zivina ande goia phuv.
7
Kote o Del sikadilo e Abrameke ta phenda leke: Gaia phuv ka dav la che porodoke. Ondaka o Abram cherda iek altar e Devleke, soke kote sikadiloia leke.
8
Mapalal llelotar kotar karing e burdura kai si pe rig karing perel o kham katar o Betel, ta kote vazdia pi chara. O Betel achela pe rig karing perel o kham kotar katar vou vazdiaia pi chara, ta o foro achela karing likel o kham. Ta kote vazdia iek altar te blagosil e Devle.
9
Mapalal o Abram llelotar sa poloke, karing o Negev.
10
Ande gua vreme e llene kai zivina ande goia phuv ni saia len so te jan, goleke o Abram llelotar te zivil ando Ejipto.
11
Ta kana saia pase te del ando Ejipto, phenda pe rromiake e Saraiake: Dik, me llanav kai tu san but sukar,
12
ta kana ka dikhen tut e ejipsiura, von ka phenen: Gaia diskinia si gole manuseki. Ondaka man ka mundaren a tut ka muken tut llundi.
13
Goleke, tu phen kai san mi phiorri te sai aven lache manchar ta cheres tu te na mundaren man.
14
Ta kana o Abram dia ando Ejipto, e ejipsiura dikhle kai e Sarai saia but sukar.
15
Ta i dikhle la e llene kai radina e Faraonoke, o charo katar o Ejipto, ta llele te phenen leke kai goia diskinia saia but sukar. Ondaka inllardela kai o cher katar o Faraon.
16
Ta cheres e Sarai, o Faraon pomozisarda e Abrame. Ta dia le bakre, guruva, sluge, magarchura, ta deve.
17
Ta cheres e Sarai e rromi e Abrameki, o Del dukhada bare nasualimaia e Faraone ta leke familia.
18
Goleke o Faraon ikharda e Abrame, ta phenda leke: ¿Soke cherdan mange gava? ¿Soke ni phendan mange kai gaia diskinia saia chi rromi?
19
Tu phendan mange kai saia chi phiorri, a me sai liema la pala ma sar mi rromi. Goleke etali kate chi rromi, le la ta llatar.
20
Ondaka o Faraon phenda pe llenenge te traden e Abrame, leke rromia ta sa so saia le avri katar o Ejipto.
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes