Ug tungod kay daghan na man kaayog kahayopan sila si Abram ug si Lot, dili na paigo ang sibsibanan alang sa ilang mga kahayopan kon magtipon sila pagpuyo.
Busa nagkaaway ang mga magbalantay sa kahayopan ni Abram ug ang mga magbalantay sa kahayopan ni Lot. Niadtong panahona ang mga Canaanhon ug mga Perisihanon nagpuyo pa sa maong yuta.
Busa gilukop ni Lot pagtan-aw ang palibot ug nakita niya nga ang tibuok Walog sa Jordan hangtod ngadto sa Zoar daghag tubig sama sa tanaman sa Ginoo o sama sa yuta sa Ehipto. Nahitabo kini sa wala pa laglaga sa Ginoo ang mga siyudad sa Sodoma ug Gomora.