|
| 1 |
|
| A-pek-lân chhōa i ê bó͘ kap i só͘-ū--ê, tùi Ai-ki̍p khì Nî-kek-hu, Lô-tek mā chòe-hé khì. |
|
| 2 |
|
| A-pek-lân ê cheng-siⁿ, kim, gûn chin chōe. |
|
| 3 |
|
| I tùi Nî-kek-hu chiām-chiām ǹg Pek-te̍k-lī chhian-sóa, kàu Pek-te̍k-lī kap Ai ê tiong-kan, chiū-sī i í-chêng tah pò͘-pîⁿ, |
|
| 4 |
|
| khí chè-tôaⁿ ê só͘-chāi. A-pek-lân tī hia kiû-kiò Siōng Chú ê miâ. |
|
| 5 |
|
| Kap A-pek-lân chòe-hé khì ê Lô-tek mā ū gû-kûn, iûⁿ-kûn, pò͘-pîⁿ, |
|
| 6 |
|
| tì-kàu hit-ê tōe-khu bô-kàu thang hō͘ in chòe-hé khiā-khí; in-ūi in ê châi-bu̍t chin chōe, bōe-tàng chòe-hé khiā-khí. |
|
| 7 |
|
| A-pek-lân ê bo̍k-chiá kap Lô-tek ê bo̍k-chiá siông-siông oan-ke. Tng-sî Ka-lâm -lâng kap Pí-lī-sé -lâng tòa tī hit-ê tōe-khu. |
|
| 8 |
|
| A-pek-lân kā Lô-tek kóng, “Lán m̄-thang oan-ke, lí ê bo̍k-chiá kap góa ê bo̍k-chiá mā m̄-thang oan-ke, in-ūi lán sī chi̍t-ke-lâng. |
|
| 9 |
|
| Choân-tōe lóng tī lí ê ba̍k-chiu-chêng, chhiáⁿ lí lī-khui góa; lí nā khì tò-pêng, góa chiū khì chiàⁿ-pêng; lí nā khì chiàⁿ-pêng, góa chiū khì tò-pêng.” |
|
| 10 |
|
| Lô-tek gia̍h-thâu khòaⁿ Iok-tàn-hô ǹg Só-ní hong-hiòng it-phiàn ê pêng-goân, chúi-goân chhiong-chiok, hit-ê tōe tī Siōng Chú húi-bia̍t Só͘-to-má kap Gô-mô͘-la í-chêng, chhin-chhiūⁿ Siōng Chú ê hn̂g, chhin-chhiūⁿ Ai-ki̍p ê tōe. |
|
| 11 |
|
| Lô-tek chiū kéng Iok-tàn-hô hit-phiàn pêng-goân, chhian-sóa khì tang-pêng; in nn̄g ke chiū hun-khui. |
|
| 12 |
|
| A-pek-lân tòa tī Ka-lâm -tōe; Lô-tek tòa tī pêng-goân chiah-ê siâⁿ, chiām-chiām chhian-sóa khì kàu Só͘-to-má. |
|
| 13 |
|
| Só͘-to-má -lâng hui-siông siâ-ok, tōa-tōa tek-chōe Siōng Chú. |
|
| 14 |
|
| Lô-tek lī-khui liáu-āu, Siōng Chú tùi A-pek-lân kóng, “Lí gia̍h-thâu, tùi lí khiā ê só͘-chāi ǹg tang sai lâm pak khòaⁿ. |
|
| 15 |
|
| Lí só͘ khòaⁿ--tio̍h it-chhè ê tōe, góa beh éng-oán sù hō͘ lí kap lí ê hō͘-tāi. |
|
| 16 |
|
| Góa mā beh hō͘ lí ê hō͘-tāi chhin-chhiūⁿ tōe-chiūⁿ ê thô͘-soa hiah chōe; lâng nā ōe-tàng sǹg tōe-chiūⁿ ê thô͘-soa, chiah ōe-tàng sǹg lí ê hō͘-tāi. |
|
| 17 |
|
| Lí khí-lâi kiâⁿ-thàu chit-ê tōe ta̍k só͘-chāi, góa beh chiong chit-ê tōe sù hō͘ lí.” |
|
| 18 |
|
| A-pek-lân chiū chhian-sóa khì Hi-pek-lûn, kàu óa-kūn Bān-lī hiah-ê siōng-chhiū ê só͘-chāi khiā-khí; tī hia i ūi-tio̍h Siōng Chú khí chi̍t chō chè-tôaⁿ. |
|
|
|
|