|
| 1 |
|
| Aburamu akarua Misiri, akagenda Negebu, ere amo na mokaye na ebi bionsi abwate, na Loti akagenda amo nere. |
|
| 2 |
|
| Nabo Aburamu arenge omotenenku mono, nigo abwate etugo enyinge, ne chifeta, ne chitahabu. |
|
| 3 |
|
| Akaimoka korwa Negebu, akagenda agaika Beteli, agwo aase atenenetie eema yaye ritang’ani, gati ya Beteli na Ai, |
|
| 4 |
|
| agwo nao aase Aburamu aagachete egesasimero kie ritang’ani na korirangeria erieta ri’Omonene. |
|
| 5 |
|
| Na Loti, nere oyogendete amo n’Aburamu, nigo abwate ching’ondi, ne chiombe, ne chiema. |
|
| 6 |
|
| Ase igo ense eria tiyabaisana banyare komenya amo bonsi babere, ekiagera chinibo chiabo nechinyinge chiarenge, goika tibanyara komenya amo. |
|
| 7 |
|
| Agwo eriomana rigatuboka egati y’abarisia b’Aburamu, na abarisia ba Loti. Ase engaki eyio Abakanani na Abaperisi mbarabwo bamenyete ase ense eria. |
|
| 8 |
|
| Erio Aburamu agatebia Loti, “Tai buya twomane inche naye, abarisia baane na abao, ekiagera intwe nabanto abamo tore. |
|
| 9 |
|
| Inee! Ense eye yonsi teri ase obosio bwao? Tiga twatananeke. Koragende ensemo ya bomosi, inche ningende eya borio; koragende ensemo ya borio, inche ningende eya bomosi.” |
|
| 10 |
|
| Loti akaimokia amaiso aye akarigereria, akarora ense omweya ya Yorodan ng’a nigo yare namache amange kera aase; goika Soari nigo yare buna omogondo bw’Omonene, buna ense ya Misiri. Nabo yarenge ritang’ani Omonene atarasaria Sodomu na Gomora. |
|
| 11 |
|
| Ase igo Loti agechorera ere bweka ense omweya yonsi ya Yorodan. Igo Loti akamanora kogenda gochia moocha. Barabwo bagaatananekana. |
|
| 12 |
|
| Aburamu akamenya ase ense ya Kanani, na Loti nere akamenya egati y’emechie agwo ase ense eria omweya, akang’anyia eema yaye gochia Sodomu. |
|
| 13 |
|
| Abanto ba Sodomu nigo barenge ababe, barenge gokora ebibe ebinge ase obosio bw’Omonene. |
|
| 14 |
|
| Nyuma Loti na Aburamu kobaatananekire, Omonene agatebia Aburamu, “Imokia amaiso ao, origererie korwa agwo aase ore, origererie ensemo ya sugusu, na irianyi, na moocha, na bosongo; |
|
| 15 |
|
| naki ense eye yonsi oroche ninkoyee aye na ororeria rwao kare na kare. |
|
| 16 |
|
| Ninkore ororeria rwao robe buna orotu rw’ense rotanyare kobareka; onye omonto okonyara kobara orotu rw’ense, rirorio nanyare kobara ororeria rwao narororwo. |
|
| 17 |
|
| Bono imoka, otaare ense eye, orore obotambe na obogare bwaye, ekiagera ninkoe aye ense eyio.” |
|
| 18 |
|
| Erio Aburamu akang’anyia eema yaye, agacha akamenya akanani k’emete enga buna emetontera agwo Mamure, ang’e na Heburoni. Akaagachera Omonene egesasimero aroro. |
|
|
|
|