|
| 1 |
|
| Ogẹn Amrafẹlụ gi wụ eze Shina wụ Babilọnụ, Arịọkụ wụ eze Ẹlasa, Kẹdọlama wụ eze Ẹlam, Tidalụ wụ eze Goi. |
|
| 2 |
|
| Wẹ ẹnọ nọ bịa d'a lụsọn Bẹra eze Sodọm agha, ya lẹ Bẹsha eze Gomora lẹ Shinabụ eze Adima lẹ Shẹmẹba eze Zẹbo lẹ eze Bẹla. (Bẹla wụ Zụa). |
|
| 3 |
|
| Ndị-nze isẹnni nọ kịha ndị-agha wẹ ile Ọdanmgbugbu Sidim hụn wụ Ohimin Nnu. |
|
| 4 |
|
| Wẹ isẹn te rị okpuru Kẹdọlama eze alị Ẹlam ọrọgbọ ahụa mmẹbụọ, hụn mẹ ẹ ahụa mmẹtọ, wẹ nọ sị arịkọzị wẹ okpuru ẹ. |
|
| 5 |
|
| Hụn mẹ ẹ ahụa mmẹnọ, Kẹdọlama lẹ ndị-nze ya lẹ wẹ wị nọ bịa; e mẹrikwama wẹ ndị Rẹfa rị Ash'tarọtụ-Kanaim lẹ ndị Zuzu rị Ham lẹ ndị Ẹm rị Shavẹ-Kiriataim |
|
| 6 |
|
| lẹ ndị Hori rị elu ugu wẹ wụ Sẹẹ d'e rukwọrị nkọ Ẹl-Paranị hụn ya lẹ atụ nọ okẹn. |
|
| 7 |
|
| Kẹdọlama wẹ e mẹrigụ alị ndịnị, wẹ nọ kin azụụn, pụha alị Ẹn'mishipatị hụn wụ Kadẹshi, mẹri alị ndị Amalẹki ile lẹ ndị Amọ bi Hazazọnụ-Tama. |
|
| 8 |
|
| Ya kẹ eze Sodọm, eze Gomora, eze Adima, eze Zẹbo lẹ eze Bẹla (Zụa) — ndị-nze isẹn ahụn sị arịkọzị wẹ okpuru Kẹdọlama — nọ nwan pụha Ọdanmgbugbu Sidim, lụsọn |
|
| 9 |
|
| Kẹdọlama eze Ẹlam, Amrafẹlụ eze Shina, Tidalụ eze Goi lẹ Arịọkụ eze Ẹlasa agha. Ndị-nze ẹnọ a lụsọn ndị-nze isẹn agha. |
|
| 10 |
|
| Ogẹn ahụn, Ọdanmgbugbu Sidim mẹ mkpọkọ-olu, mkpọkọ-olu. Ebe ndị-nze alị Sodọm lẹ alị Gomora lẹ ibe wẹ gbakọ makẹni agha a karịgụọ wẹ ẹka, ụfọdụ nọ danbansọnmẹ imẹ olu ndị ahụn, ndị họdụnị a gbashi elu-ugu nọkunmẹ ọdanmgbugbu ahụn. |
|
| 11 |
|
| Ya kẹ ndị-iṅẹnrẹn nọ kwarị ihiẹn ile wụ nke ndị Sodọm lẹ ndị Gomora, buruzikwọ ihiẹn-oriri ile wẹ nwọn, jẹnmẹ ebe wẹ jẹnkọ; |
|
| 12 |
|
| Nwa-nwẹnẹ Ebram wụ Lọtụ, hụn bi alị Sodọm, rị ndị wẹ weri; e weri w'ẹ, kwarịzịkwọ ihiẹn ẹ. |
|
| 13 |
|
| Okẹnnyẹ ohu wanahịnnị nọ bịa d'a gwa Ebram onyẹ Hibru. Ebram bikunmẹ okẹn-osisi ahụn rị alị Mamre onyẹ alị Amọ. Mamre wụ nwẹnẹ Ẹsh'kọlụ lẹ Ana. Wẹ ile lẹ Ebram e mẹgbama ọhụnma-ọhụnma. |
|
| 14 |
|
| Ogẹn Ebram gi nụ nị wẹ nwụnrụn nwa-nwẹnẹ ẹ, ọ nọ kịpụha idibo ẹ marịn ẹnya agha, ndị wẹ mụ iwe ẹ: madụ mmẹsatọ kwasị ọgụn-mmisẹn. Ọ kịrị wẹ, chụrụ ndị-nze ahụn gi Lọtụ d'e rukwọrị alị Danị. |
|
| 15 |
|
| Ọ nọ gi uhinhin kebe itu ẹ, ya lẹ idibo ẹ nọ ke ẹka maye wẹ; a gba wẹ ọsọ, ọ nọ chụrụ wẹ d'a pụha alị Hoba hụn rị ẹbamịn-ugu alị Damaskọsụ. |
|
| 16 |
|
| Ya ọ nọ bukin ihiẹn ile wẹ kwarị, wekinhẹnzi Lọtụ nwa-nwẹnẹ ẹ lẹ ihiẹn ẹ ile wẹ buru lẹzi ikpoho lẹ ndị ọzọ wẹ nwụnrụn. |
|
| 17 |
|
| Ebram a lụaha ebe ọ nọ mẹri Kẹdọlama lẹ ndị-nze ya lẹ wẹ wị, ya kẹ eze Sodọm nọ jẹn d'e kunrun ẹ imẹ Ọdanmgbugbu Shavẹ (hụn wụ Ọdanmgbugbu Eze). |
|
| 18 |
|
| Ya kẹ Mẹkizẹdẹkị, eze Salẹm, nọ wẹhẹ brẹdi lẹ manya. Onyẹ nchụn-ẹjan Osolobuẹ, Chuku kachanrịnnị, k'ọ wụ. |
|
| 19 |
|
| Ọ nọ gọzi Ebram, sị, “Chuku kachanrịnnị hụn ke elu-igwee lẹ ụwa ya gọzi Ebram; |
|
| 20 |
|
| Ịja-mma y'a rịnị Chuku hụn kachanrịnnị, hụn ye i mmẹri ebe ndị iṅẹnrẹn i rị.” Ebram nọ kebe ihiẹn o bukinhẹn ụzọ iri, we ụzọ ohu ye Mẹkizẹdẹkị. |
|
| 21 |
|
| Omẹgụ, Eze Sodọm nọ sị Ebram, “Ye m ịhịan ndịnị, ka weri ibu rịn'a.” |
|
| 22 |
|
| Kanị Ebram nọ sị eze ndị Sodọm, “E weliọlẹ m ẹka m buzinmẹ Osolobuẹ, Chuku hụn kachanrịnnị, onyẹ hụn ke elu-igwee lẹ ụwa |
|
| 23 |
|
| nị onwọnni ogẹn m'e gi weri ihiẹn wụ nke i, ọsụọn'a oruru mọbụ eriri akpụkụ rọ, amamgbe y'a sị nị yụ haịn Ebram gi hi ọdanfịn. |
|
| 24 |
|
| Onwọnni ihiẹn m k'e weri wezụka ihiẹn-oriri idibo m sọnhẹn m agha ri; kanị ndị ọwụ m wụ Ana, Ẹsh'kọlụ lẹ Mamre, wẹ weri hụn runi wẹ.” |
|
|
|
|