nodhi kedo kod Bera ruodh Sodom gi Birsha ruodh Gomora, gi Shinab ruodh Adma, gi Shemeber ruodh Zeboim, kod ruodh Bela. (Dala mar Bela iluongo bende ni Zoar)
E higa mar apar gang’wen, Kedor-laomer kod ruodhi mane oriwore kode nobiro gi jolwenjgi, kendo ne giloyo jo-Refaim e Ashteroth-karnaim, gi jo-Zuzim e Ham, gi jo-Emim e paw Kiriathaim,
mondo giked gi Kedor-laomer ruodh Elam, gi Tidal ruodh Goyim, gi Amrafel ruodh Shinar, kod Ariok ruodh Alasar. Kamano ruodhi ang’wen nokedo gi ruodhi abich.
To ne nitie buche mang’eny motimo chuodho e holo Sidim kendo ruodhi mag Sodom gi Gomora nonyumore e buchego kane gitemo ringo lweny. Ruodhi mamoko to noringo motony e gode.
To ng’at moro mane otony e lwenyno nobiro ir Abram ja-Hibrania monyise gima osetimore. E ndalogo, Abram nodak but yiend Mamre ja Amor. Mamreno ne omin Eshkol kod Aner mane osiepe Abram.