Kingo tabendo, kogeer piik somok kotonondos ko kaitoorchigei ineendet. Ye kingo keer, komanda ak kolabat kotorookta kong'etee kurgeetap emainnyi ak ipkogutung'ji icheek.
Ya tugul aibwok amitwogik tutigin, si ogimegitu, ak ye ibata otestai eng' pandang'wong', amu kaaoitu uitugul kap otwogindeng'wong'.” Kowol icheek kole, “Yai ko uu ye kaimwa.”
Ki chaakta anyun Abraham kwo ko ole ki mi Sarah, ak ipkoleenji, “Chokyi ker keruutik somok che po peek che ng'ootiin che tambulul ak itangwar si ichop magatiinik.”
Yeityo konam mwaitap cheego, cheego, ak kiptoiyondonooto kagagechop konde tainnywa, ak kotonon ineendet eng' ole neegitee keetit keel yooto ki amisyei icheek.
Koleenji agenge eng' icheek, “Aweekyiningei iman peetuusyek che uu chu eng' kenyiit ne nyoonei, ak keero, sichei `kwondong'ung' Sarah weeriit.” Ki ebei iit Sarah komi kurgeetap emait ne ki mi patai.
Tos mi kiy age tugul ne temenee Kamuktaindet ne Toroor? Aweekyiningei peetuusyek che uu chu eng' kenyiit ne nyoonei, eng' peetuut ne kaachop, ak sichei `Sarah weeriit.”
Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”
Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”
Tos ngot koma piit piik muutu eng' piik konom che po iman, ko tos ing'em nganaseet komugul amu piik muut che ma mi?” Ak ki le, “Ma ng'eme ngot anyoorchi piik artam ak muut.”