Ɛ jɛ nɔ cu A-bɛ-ram cak ti ruɔt kɛnɛ cak ti pi̱w, kɛ jɛn ri̱ŋ ruaath indaan in cɛ na̱k kɛ nööŋ, kä cuɛ kɛ ben la̱th nhiamdiɛn, kä cuɛ cuɔ̱ŋ gekädiɛn mëë mi̱thkɛ.
Kä cu Kuoth Nhial ɛ ku jiök i̱, “Ɛpuc, ɣän i̱ thaar bä luny dhɔru kä bi ciekdu ni Thara ji̱ da̱p gat mi dho̱o̱l.” Ɛn guäth ɛmɔ Thara tëë cuŋä jɔkdɛ thok kɛmɛkä liŋɛ min latkɛ.
Ku wee ci nɛy da̱ŋ dhieec ben raar kä kɛn ji̱ cuŋni ti jiɛn dhieec? Ji̱n bä, de̱ri rɛk ɛmɔ ni kɛɛliwdɛ däk kɛ ta̱a̱ nɛɛni da̱ŋ dhieec jɔ̱ɔ̱r?” Cuɛ jɛ loc i̱, “/Cä jɛ bi däk mi wa̱a̱ nɛy ti jiɛn ŋuaan wi̱cdiɛn nɛɛ dhieec jek rɛydɛ.”
Cu A-bɛ-ram ɛ lɛni nyɔk kɛ thi̱ec i̱, “Bɛ tëë di mi te ni jiɛn ŋuaan thi̱n?” Cu Kuoth ɛ loc i̱, “/Cä jɛ bi la̱t mi de̱rɛ tekɛ nɛy ti jiɛn ŋuaan rɛydɛ.”
Cu A-bɛ-ram ɛ ku jiök. “A lɔcdu /ci jiäk, Kuäär, kä a ji̱ nyɔakä kɛ thiecni. Ku wee te ni nɛy ti jiɛn diɔ̱k thi̱n?” Cuɛ jɛ lɛni loc bä i̱, “Mi wa̱a̱ nɛy ti jiɛn diɔ̱k wä jek, thilɛ mi bä la̱t.”
Cu A-bɛ-ram wee i̱, “Bum lɔcdä a bä ruac kɛ ji̱ Kuäär, ku wee te ni nɛy ti jiɛn da̱ŋ rɛw thi̱n?” Cuɛ jɛ lɛni loc bä i̱, “/Cä jɛ bi däk mi dëë nɛy ti jiɛn da̱ŋ rɛw te thi̱n.”
Cu A-bɛ-ram ɛ jiök i̱, “A lɔcdu /ci jiäk, Kuäär, kä a kua̱ rɔ nyɔk kɛ thi̱ec kä kɛɛl. Ku wee te ni nɛy ti jiath kɛl thi̱n?” Cuɛ jɛ loc i̱, “/Cä jɛ bi däk mi dëë nɛy ti jiath kɛl te rɛydɛ.”