Kuom mano kane Nyasaye ochika mondo awuog e dala wuora, kendo awuoth e pinje mamoko, nakwayo Sara niya, ‘Adwaro mondo itimna ng’wono kama. Kuonde duto ma wadhiye, to iwachie ni an owadu.’ ”
Nonyiso Sara bende niya, “Asemiyo owadu fedha alufu achiel mondo obed ranyisi ni jou duto ni ionge gi ketho, kendo mondo ging’e ni ok isetimo gimoro marach.”
To noyudo ka Ruoth Nyasaye osetamo mon duto mane ni e dala Abimelek nywol nikech gima nosetimore ni Sara chi Ibrahim. To kane Ibrahim olamo Nyasaye, Abimelek gi chiege kod mon ma wasumbe nochango, mi ne gichako nywolo nyithindo kendo.