Ka Naawuni yɛl’ o, “Zaŋm’ a bigaŋ’ Yisahaku so a ni yuri pam la n-chaŋ Mɔria tiŋgbɔŋ ni nti zaŋ o mali sara shɛli bɛ ni zaŋdi nyɔri buɣim la nimaani n ni ti yɛn wuh’ a zo’ shɛli zuɣu.”
Ka Ibrahimma daa ti daŋ yiɣisibu asibaasi m-pa o buŋ’ nyaampara, ka zaŋ o nachimba ayi min’ o bia Yisahaku pah’ omaŋ’ zuɣu, ka bo dari pahi ni o ti mali sara shɛli bɛ ni zaŋdi nyɔri buɣim la n-daa yi n-chaŋ katiŋa Naawuni ni daa wuh’ o luɣ’ shɛli maa.
Ka Ibrahimma daa deei da’ shɛŋa o ni daa bo ni o ti mali bɛ ni zaŋdi sara shɛli nyɔri buɣim la n-ʒil’ o bia Yisahaku; ka omaŋmaŋ’ mi kpuɣi buɣim mini sua n-gbib’ o nuu ni; ka bɛ niriba ayi maa daa doli tab’ chana.
Ka Yisahaku daa ti bol’ o ba Ibrahimma, “M ba!” Ka o garigi yɛli, “M bia, n-nyɛ ma” Ka o bɔh’ o, “Buɣim mini dari m-bɔŋɔ, ka piɛ’ so ti ni ti yɛn zaŋ mali sara maa lee be ya?”
Ka Ibrahimma yɛl’ o, “M bia, Naawuni maŋmaŋ’ ni ti ti piɛ’ so ti ni yɛn zaŋ mali sara shɛli bɛ ni zaŋdi nyɔri buɣim maa.” Ka bɛ niriba ayi maa daa kul dol’ tab’ chana.
Bɛ ni daa mali ti paai luɣ’ shɛli Naawuni ni daa wuh’ o maa, ka Ibrahimma me sara maligu bimbini zali nimaani, ka zaŋ dari maa pa di zuɣu viɛnyɛliŋga. Di saha ka o daa lo o bia Yisahaku maa mihi n-zaŋ o pa bimbini maa zuɣu dari maa zuɣu.
Ka malaika maa yɛl’ o, “Miri ka a zaŋ a nuu shihi bia maa bee n-niŋ o shɛli; dama pumpɔŋɔ m baŋya ni a shiri zɔri Naawuni hal ka bi mɔŋ o a bigaŋ’ ŋɔ.”
Ka Ibrahimma daa kpuɣ’ o zuɣu ŋmaligi lihi n-nya piɛlaa ka o ʒiɛya, ka o yila shɛbi tiwula ni. Ka Ibrahimma daa chaŋ ti gbaai piɛlaa maa na nti zaŋ o mali sara shɛli bɛ ni zaŋdi nyɔri buɣim la, ka chɛ o bia maa.
ni n ni niŋ alibarika niŋ a ni, ka chɛ ka a zuliya nabi m-be kaman saŋmarisi mini teeku noli bihigu la. Ka a zuliya maa ni ti deei bɛ dimnim’ tinsi su;