Osolobuẹ a sị a, “Weri nwa ị, akpụ nwa ohu ahụn ị mụ, hụn ihiẹn ẹ a sụọ ị ọda-ọda, y'e shi alị Moria, n'i gi ẹ chụnnị m ẹjan w'a dụn ọkụn elu ugu m k'a ghọsị ị ebẹhụ.”
Aziki a hị nẹdi ẹ oku, sị, “Baba-ee!” Ya ọ nọ sị a, “Ee, nwa m!” Aziki nọ sị a, “Baba, ẹnyi bu ọkụn lẹ nkụn. Elebe atụnrụn ẹnyi e gi chụn ẹjan w'a dụn ọkụn rị?”
E ru wẹ ebahụn Chuku gwa Ebraham, ya Ebraham nọ rụn ukpo nchụn-ẹjan, kpashimẹ ọkụn elu ukpo ahụn. Ọ nọ kẹnmẹ Aziki nwa a, bu ẹ che elu nkụn ahụn o gi kpashimẹ ọkụn elu ukpo ahụn.
Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.”
Ya Ebraham nọ weshi isi elu, ọ nọ hụn ebulu mpịn a fatọ akụ-ọfịa rị ebẹhụ. Ọ nọ jẹn d'e buru ẹ, gi ẹ chụnyeni Osolobuẹ ẹjan wẹ dụn ọkụn hụn o te k'e gi nwa a chụn.