“Ako bairarani, mo gí sangbarani, mo nga bakere bazogo dagba rani. Mo kpísidi ga kangba rogo gu gaani bakpisida aboro sa ngba susi; a nga gu ni sa dagba rani nikaka na gani bakpisida aboro be ro, watadu za ro tipa kpisida ga kangba rogo ho te.”
Were Efurona asungu dagba aEto; Efurona boro Eto ki karaga pai fu Abarayama ku bangiri aEto, nga agu yo dunduko nanarima ti ngbadimo gako bakporo, ki ya,
“Oõ, bairare, mo gí sangbare; gu ati re mi fu he foro na gu simbia du rogo ho a; mi fu he foro; mi fu he foro ku bangiri awiri ngbatungare; mo kpísidi ga kangba rogo ho.”
Ko ki ta gumba pai fu Efurona ku bangiri aboro gu ringara re, “Mi nakpara foro, ka mo idi he, mo gí sangbare; mi afú geno gu ati fu roni re; mo di he be re, mi ki kpisidi gi kangba rogo ho.”
Abarayama ki gi gu pai re ngba Efurona; Abarayama ki ringbisi baroã feda fu Efurona mbembedi na akiro bisue nga asekere feda 400 kuti sino babagiahe ti gu rago re, nga gu Efurona aringbisi he ku bangiri aEto.
Si du ga Efurona ati nadu Makepera yo, ku uroyo pati Mamare, ati gbiakuti gu simbia nadu rogo ho na agu angua dunduko nadu rogo ati, nga gu nadu rogo ho dundu ko, si ki du
Fuo gere Abarayama ki kpisidi Sara nangia diako rogo gu simbia nadu rogo gu ati nangia Makepera ku uroyo pati Mamare (si sa na Eburone), ringara Kanana yo.