Nakhle e bursa ta o Isaak phurilo ta achilo korro. Ta iek llive ikharda pe chaurre e Esaue, o mai purano, ta phenda leke: ¡Murno chaurro! O Esau. Ao e Esau phenda leke: Kate sem.
A o Jakob phenda pe dadeke: Me sem cho chaurro o mai purano o Esau, cherdem gia sar phendan mange. Uste akana ta bes te ja katar e zivirinia kai istardem, ta blagosisar man.
Ondaka o Isaak phenda pe chaurreke: ¿Sar istardan gia oma iek zivirinia bre chaurrea? O Jakob phenda leke: O Gazda cho Del pomozisarda man te malavav la.
Ondaka leko dad phenda leke: An bre chaurrea e zumi te jav katar e zivirinie kai istardan, ta ondaka ka blagosiv tut. Ta o Jakob anda leke e zumi ta i anda leke mol, ta jala ta pila.
Kana o Jakob avilo pasa le te chumidel le, o Isaak khandia leke patave ta ondaka blagosisarda le gale alavenchar: Ea, gaia khand si me chaurreki. Si sargo e khand katar iek umal blagosime e Devletar.
Ta but sueto te avel tala cho va, ta e phuvia te den changa angla tu. Gazdarisar isto pe che phlal, ¡Te den changa angla tu! Ta gola kai dena tut armaia pe lende ka peren e armaia, a gola kai blagosina tut ka aven blagosime.
Ta i vou cherda iek zumi but sukar ta inllardala kai po dad, ta phenda leke: Uste dade, ta ja katar e zivirinia kai istarda cho chaurro, ta blagosisar man.
O Isaak chudisailo, ta phenda: ¿Ko si kai avilo kate, kai istarda zivirinie ta anda mange te jav, ta me jalem katar sa so anda mange mai anglal te ave tu ta blagosisardem le? ta akana vou achilo blagosime
O Esau phenda: ¡Goleke thode leko anav Jakob, soke dui droma kojada man! O purvo lia mandar o zakono katar o phlal o mai purano, ta akana lia mandar o blagosipe kai saia te lav me. ¿A nasti blagosi i man?
Ondaka o Isaak phenda e Esaueke: Dik, me diem e Jakobe te gazdaril pe tute ta diem le te avel gazda pe tute ta diem sa che phlalen te aven leke sluge, ta manglem te avel le but lliu ta but mol. ¿A so kadau tut akana mo chaurro?
Sar kotar o Esau istarda murzania po Jakob pala o blagosipe kai diaia le leko dad, ta mislilape gia: But oma ka ava zalosne pala o meripe me dadeko, ta mapalal me ka mundarav me phlale e Jakobe.
Kana e Rebeka llangla so mangela te cherel o Esau, bichalda te ikharen e Jakobe ta phenda leke: Dik cho phlal mangel te mundarel tut ta gia te ikanel bi duk.
Ondaka e Rebeka phenda e Isaakeke: Sem chiñi katar mo zivoto cheres e chorra katar o Jet. O Jakob te lela rromi katar e chorra katar o Jet, mai sukar avela mange te merav.