Masa Ala tun ye kongosogo minw dan, saa le tun ka cegu n'u bɛɛ ye. Saa y'a fɔ muso ye ko: «Tiɲɛ na, Ala y'a fɔ ko aw kana yɔrɔ nin yiriw si deen dumu wa?»
Muso y'a ye k'o yiri nin deen ka di dumu na, ko a fana filɛ ka di, ani ko a be lɔnniya di mɔgɔ ma. A ye dɔ tigɛ k'a dumu ka dɔ di a cɛɛ ma a gɛrɛfɛ, ale fana y'a dumu.
Ala y'a fɔ cɛɛ ye ko: «I sɔnna i muso ta ma, ka yiri nin deen dumu, ne tun y'a fɔ k'a gwɛlɛya i ma ko i kana min dumu. O kosɔn, dugukolo dangana i kama. I bena baaragwɛlɛn kɛ i sii bɛɛ la ka sɔrɔ k'i daladumuni sɔrɔ.
O kɔ, Masa Ala ko: «Sisan, Adama kɛra i n'a fɔ anw, ka koɲuman ni kojugu lɔn ka bɔ ɲɔgɔn na. An k'a bali janko yiri min be sii di mɔgɔ ma, a kana o deen tigɛ k'a dumu, ka to nii la kudayi.»
A ye cɛɛ gwɛn ka bɔ yen tuma min na, a ye mɛlɛkɛ bisigi dɔw sigi yɔrɔɲuman nin kɔrɔn ɲafan fɛ, minw tɔgɔ ko * serubɛnw, ka murujan manamananin fariman di u ma janko ka yiri nin sira kɔlɔsi, min be sii di mɔgɔ ma.