Ki ng'aaliindet ndaret kosiir tyony age tugul ne po ng'wony ne kiga koyai Kamuktaindet ne po Toroornatet. Ki leenji anyun kwondo, “Tos, iman ki mwa Kamuktaindet kole, ‘Amat oam logoek che po keetit age tugul ne po mbareet i?’ ”
Ye kingo keer anyun kwondo kole myee keetooto eng' ameet, ak ko karaaran eng' koonyek, ak kogoochin chii konyoor utaatyet, kobut anyun logoekyik koam; ak kogoochi manong'otyonnyi, ne ki mi tuwai, ko am agine.
Ak ki kas `icheek Kamuktaindet ne po Toroornatet kowendoti eng' mbar ye kiga kogaititit koskoleny, koistoegei ole mi Kamuktaindet ne po Toroornatet ak kounygei eng' keetiik oriit che mi mbar.
Koleenji `Kamuktaindet ne po Toroornatet ndaret, “Amu kaiyai kii, ko kagichubin kosiir kiyagiik tugul ak tyong'ik tugul che po timiin; iichuute moeng'ung' ng'wony ak iame ng'ung'unyek peetuusyek tugul ko tee isabe.
Yeityo Koleenji Adam, “Amu kegas ng'aleegap kwondong'ung', ak iam che po keetit ne ki ang'atiin ale amat iam, ko kagichup ng'wony agobo inyee; iame che po ng'wony eng' nyaliilda ko tee isabe;
Ak ki mwa `Kamuktaindet ne po Toroornatet kole, “Ogeero! Kagogergeit chiichi ak agenge eng' acheek, ne ingen ne myee ak ne ya.” Ko si mata koyogooito eunnyi kobut che po keetitap saboondo koam ak kosap koigeny,
Ki oon anyun chiichooto koomaanda ak konde Kerubik kotebee komostap kong'asiis ne po mbareetap Eden. Yeityo konde rootwetap chok ne ilyeli ne tokyingei komoswek tugul si koriip ooreet ne tokyingei keetitap saboondo.