abaabagara ki du be re, na adongi, na rimbasa akandoro, na amoyambu nga akumba na amoyambu nga ade. Mi kedi asunge ka gumba ha fu bairare ya mi bí zereda be ro.’ ”
Yakoba ki nigunde agunde ki du na rungo gbe; ko ki kparaka agu aboro nadu na ko ku rogo rimbasa ue, na rimbasa akandoro, na rimbasa abagara, na akameri a.
Yakoba ki ya, “Ako Mbori, nga ga buba Mbori nga Abarayama, nga ga buba Mbori a nga Yisaka, Ako Yekova, nga gu ko naaya fere, ‘Mo káraga tiro ku rogo gaoni ringara yo, fuo agumero, mi amánga pa ro wenengaĩ,’
mi arengba nga na kina gu toni he dagba gamo ainapai dunduko na gu rengbe dunduko yugu mo ho fu ga moyambu te, bambiko mi asi gi Yaradene re na kina gi ngbondo be re; awere mi wa rimbasa aboro ue.
Ko ki ta ruga barumbatayo, niya, “Ho Esau nga unvuruami ka ngbisa ro ni, ki sana ro niya, ‘Vuru da nga mo? Oni nandu ku wari? Ga da ra nga agu ra du barangba ro re?’
Were Yakoba ki ta ruga gu ue ni, na gu biata ni, na agu yo dunduko naapeka arimbasa anya, niya, “Gere nga gu pai oni ka gumba ha fu Esau ho oni ka ngbisa ko ni,
oni ki ya a, ‘Mo ngére, ga moyambu nga Yakoba ko du sa yo naye.’ ” Bambiko ko niya wẽ, “Mi azéresa ngbaduko na gu gamahe ngbe fere mbata yo. Fuo gure mi abi kpakpuko; si ngia ko adía re ku gume.”
Si du awiri aYisaraere naari nga gu gbaga gbungbuse du ti mboso gbungbuse yo ti ni ya, daku awere, bambiko ko azadi gbungbu Yakoba ti gbaga mboso gbungbuko.