Jekọpụ e lee ẹnya, e lee Isọ! Ya lẹ ikẹnnyẹ nnụ ọ kị wị lala. Ya Jekọpụ nọ kebe ụmụ a: ọ kị ụfọdụ ye Lia, kị ụfọdụ ye Rechẹlụ, kị ụfọdụ ye idibo ikpoho ẹbụọ ahụn rị iwe wẹ.
Jekọpụ nọ sị, “Mba, dodo; omẹni ihiẹn m a sụọghọ ị, narịn m ihiẹn ndịnị m ye i. Makẹni, ihun i m hụn nọ m kẹ sị m hụn ihun Osolobuẹ — hụnnị ị nabanhan m.
Dodo, narịn ihiẹn wẹ wẹhẹn'i, makẹni Osolobuẹ e mẹọlẹ ni m ọhụnma; onwọnni ihiẹn rị a kọnị m.” Makẹni Jekọpụ tọ a rịọ a, Isọ nọ kweri narịn a ihiẹn ndị ahụn.
Jẹnmẹ ni nwan, Diọkpa, nị odibo i lala; nị m tu udọn e jẹn makẹ anụ lẹ ụmụ-ẹka ndịnị zelẹni mmẹ lẹ wẹ wị, d'e ru nị a bịa m alị Sẹẹ d'e kunrun i Diọkpa.”