A o Jakob phenda: Na, moliv man chuke. Te dikhlan pe ma lachimaia, le so me mangav te dav tut, soke kana dikhlem cho mui, mange avila sargo kana dikhlem o mui e Devleko, soke lian man lachimaia.
Moliv man chuke, le so andem chuke soke o Del cherda man barvalo, ta niso ni trubul man. Pe gachin mangla o Jakob te lel so andaia leke, kai o Esau lia letar so anda,
A o Jakob phenda: Gazda, tu llane kai e minone inai len zor, ta morabi te misliv man ande bakre ta ande guruva kai si len telchura, ta te chinile but ande iek llive, sai meren sa e bakre.
Mai sukar lla tu mai angle katar cho sluga, a me ka llav sa poloke, gia sar ka phiren e zivirinie angla ma ta prema sar phiren e minone lligo ni ka maladivav tuia ando Seir.
A o Esau phenda: Ka mukav chuke akana nesave llenen kai aven manchar. A o Jakob phenda: ¡Na, moliv man chuke! ¿Soke te chere gava? Dosta mange kai avilan lacho manchar.
Kana o Jakob irisailo katar o Padam Aram avilo sasto ta braduime ando foro kai ikhardol Sikem, kai si ande phuv katar o Kanaan, ta inzarda pi chara angla o foro.
Ta chinda iek kotor katar e umal, ta kote thoda pi chara, ta goia umal dia lake stotina tolaria. Chindala katar e chaurre katar o Jamor o dad katar o Siken.