A Ona da mime tɩ biiga na n yɩ-la a kẽema biig n yaool ka yẽ biig ye. A sã n da kẽ ne pagã a da raagda zɩɩma tẽnga n mi tɩ woto a kõn dog biig n kõ a kẽem ye.
A Zɩɩda kong n yeela a bi-pag a Tamar: «Leb f ba-yiri wa pʋg-kõore t'a Sela paam n bɩ.» A sẽn gom woto wã yaa a sẽn da rat tɩ bi-kãng põse, n da ki wala a kẽem dãmba; a Tamar sakame n leb a ba-yiri.
A Tamar yeesa fut niyns sẽn da wilgd t'a yaa pʋg-kõorã n bao peend n murs-mursi, n zĩ Enayim tẽnga kʋɩleng sɛɛga; Enayim da bee Timna sor zugu. A Tamar neeme t'a Sela lebga raoa tɩ b pa rɩk-a n kõ-a ye.
Dẽ la a Zɩɩda sok yã: «F ratame tɩ m bas bõe?» T'a yeele: «Fo sẽn tar bũmb ning n kõt kaset tɩ sẽn gʋlsa yaa foom n gʋlse, bõn-kãng ne a boabdga, n paas f rasaarã.» A sak n kɩs-a-la rẽ fãa; b bãnga taaba. A Tamar tol n wa mikame t'a tedgame.
B sẽn waa n tar-a n yita, a tʋmame tɩ b tɩ yeel a Zɩɩda: «Yaa sẽn so a woto wã fãa soab biig la m tʋta. Ges-y neere n bãng ãnnã n so gʋlsg kaset kãngã, ne a boabdgã la dasaarã?»