Kana nakhlo nesavo vreme kotar, o lleno kai thovela o jape e charoke ta o lleno kai cherela o marrno e charoke, cherde iek bilachipe pe gazdake o charo katar o Ejipto.
Ta o Faraon o charo jolailo gale duie llenenchar, po gazda katar e llene kai thovena e sinia e charoke, ta po gazda katar e llene kai cherena o marrno e charoke,
Ta isto ande iek riat e dui phangle dikhle iek suno, o lleno kai thovela e sinia angla o charo ta o lleno kai cherela o marrno e charoke, ta suako suno phenela vareso.
Von phende leke: Dikhlam iek suno ta inai niko te phenel amenge so phenel gua suno. Ondaka o Jose phenda lenge: Phenen mange e sune ta o Del ka sikavel amenge so phenen gola sune.
kana ka nakhen trin llive o charo ka chinel chuke kris, ta ka thovel tut pale ande cho rado, ta tu ka de pale o taso kai o Faraon, gia sar chereale omanglal.
Ta kana ka avenpe gala ezgode de tut golli mandar, ta cher mange gava sebapi, de orba e Faraonoke cheres ma te sai ikanel man katar, te avel chuke zalba mandar.
Kana o gazda katar e llene kai cheren o marrno e charoke dikhla kai dia orba sukar katar o suno, phenda leke: I me dikhlem iek suno kai saia man trin kotariche parrne upral pe mo soro.
E kotaricha kai saia mai upre, ande late saia but sukar jape ta but lache marrne cherde e Faraoneke, a e chiriklia avena te jan katar e kotaricha kai saia pe mo soro.
Pala e trin llive o charo nakhela iek burs ios ande po zivoto, ta cherda iek baro jape e llenenge kai radina leke. Ta o Faraon phenda te ikanen e gazda katar e llene kai thovena e sinia angla o charo, ta i te ikanen e gazda katar e llene kai cherena o marrno e charoke, ta phenda te anen len angla sa e llene kai vou ikhardaia pe gua jape.
Ta cherda gole llene kai gazdarila pe llene kai thovena e sinia, te thoven le pale pe po rado, ta gua lleno pale anela o taso kai o charo gia sar cherelale omanglal,