Ka di daa muɣis’ o pam asibaasi, ka o tim ti boli Ijipti timanim’ mini baŋdiba zaa na, ka ŋun’ Firawuna daa yɛli ba o zahima maa, amaa ka so daa kani n-nyɛ ŋun ni tooi wuhi Firawuna o zahima maa gbinni.
Nyin’ Firawuna suhu ni daa ti yiɣisi bah’ a tumtumdiba zuɣu, ka a zaŋ m min’ a bɔrɔbɔro shɛriba kpɛm’ ti kpɛhi duu a tɔbbihi bɛn gul’ a sapashin’ kpɛm’ yiŋ’ la,
Ka Hiburu nachimbil’ so ŋun nyɛ a tɔbbihi bɛn gul’ a la sapashin’ kpɛm’ dabili daa be ti sani, ka ti yɛl’ o, ka o daa wuhi ti ti zaa yinoyino zahindi gbinni ni nyɛ shɛm.
O ni daa kul wuhi ti di gbinni shɛm, di daa ti shiri niŋla pali; a daa labisi ma n tuma ni, ka chɛ ka bɛ zaŋ a bɔrɔbɔro shɛriba kpɛm’ la mi ti yili tia.”
Ka Firawuna daa ti yɛli Yisifu, “N zahimla zahindi ka bi nya so ŋun ni wuhi ma di gbinni; ka n wum ka bɛ yɛli ma ni bɛ yi yɛl’ a zahindi ni nyɛ shɛm, a ni tooi wuhi di gbinni.”
amaa bɛ ni daa zaŋ ba ŋub’ maa, so daa naan ku tooi baŋ ni bɛ zaŋ ba ŋubi, dama bɛ daa na kul gaŋsigaŋsimi, ka be kaman bɛ ni daa pun be shɛm. Di nyaaŋa ka n daa yirigi neei.
Amaa di nyaaŋa, yuma ayopɔin din yɛn dolina puuni, kum ni ti lu, ka so ti ku mi ni bindira daa niŋya pam Ijipti tiŋgbɔŋ ŋɔ ni, kum maa ni ti dam tiŋgbɔŋ ŋɔ nim’ pam.
Di lan simdi ni a pii kpambal’ shɛb’ ka bɛ su tiŋgbɔŋ ŋɔ tuma fukumsi, ka bɛ ti laɣim bindira pirigibu bunu puuni yim zuɣu zali bindira ni ti yɛn niŋ pam yuma ayopɔin shɛŋa puuni la.
Ka a chɛ ka bɛ laɣim yuma ayopɔin shɛŋa din kanna ŋɔ ni bindira din yɛn niŋ pam maa zaa zali, ka di nyɛ a ni zaŋ bindir’ shɛli niŋ fukumsi fɔntinsi ni ka bɛ gbib’ li.
Ka lala bindira maa ni nyɛ a tiŋgbɔŋ ŋɔ ni bindira n-ʒiɛya gu yuma ayopɔin shɛŋa ni kum ni ti yɛn lu Ijipti tiŋgbɔŋ ŋɔ ni maa, ka di chɛ ka kum ti ku ku tiŋgbɔŋ ŋɔ nima.”
Ka ŋun’ Firawuna daa pirig’ o nuu ni nintu’ shɛli o ni mali dalindi binyara n-zaŋ li piri Yisifu, ka zaŋ bimpiɛl’ viɛlli kparibu yɛl’ o, ka zaŋ salima dolibi yɛl’ o;
ka chɛ ka o kpe n-ʒin’ o chɛchɛbuŋ’ din pah’ ayi puuni, ka chɛ ka bɛn be o tooni kuhiri yɛra, “Damdimiy’ o tiŋa!” Lala ka o daa niŋ zaŋ Yisifu leei Ijipti tiŋgbɔŋ maa zaa zuɣulana.
Ka din pahi nyɛla, Firawuna daa lan yɛli Yisifu, “Mani n-nyɛ Firawuna, so ku tooi kpuɣ’ o nuu zuɣusaa bee n-vuug’ o napɔŋ Ijipti tiŋgbɔŋ ŋɔ zaa ni, ka pa ni nyini m-bah’ o noli.”
Ka Firawuna daa boli Yisifu yuli Zafɛnatipania, ka zaŋ Pɔtifɛra ŋun daa nyɛ Hɛliopolis tindan’ la bipuɣiŋga Asɛnat n-ti Yisifu ni o niŋ o paɣa. Ka Yisifu daa yiri chani gindi Ijipti tiŋgbɔŋ maa.
Ka Yisifu daa laɣim yuma ayopɔin maa bindira zaa din daa niŋ pam Ijipti tiŋgbɔŋ ni maa n-sɔŋ fɔntinsi ni, ka laɣim fɔntiŋ’ kam ni puri ni bindira n-sɔŋ lala tinsi maa ni.
Yisifu daa laɣim bindira maa sɔŋ ka di galisim ti ŋmanila teeku ni bihigu hal ka o ti bi lan niŋdi di laasabu, dama nir’ daa naan ku tooi lan niŋ di laasabu.
ka yuma ayopɔin shɛŋa puuni kum ni daa yɛn lu la piligi kaman Yisifu ni daa pun yɛli shɛm la. Kum maa daa lula luɣilikam zaa tiŋgbɔna ni; amaa ka bindira daa be Ijipti tiŋgbɔŋ din’ zaa ni.
Kum maa ni daa ti mii Ijipti tiŋgbɔŋ ni zaa saha shɛli, ka niriba daa kuhiri niŋdi Firawuna ni o tim’ ba bindira. Ka Firawuna daa yɛli Ijiptinim’ zaa, “Chamiya Yisifu sani, o yi ti yɛli ya ni yi niŋm’ shɛli, yin’ niŋmiya li.”
Dinzuɣu kum maa ni daa ti lu n-gili bɛ tiŋgbɔŋ maa zaa puuni saha shɛli, ka Yisifu daa chɛ ka bɛ yooi bindira duri maa zaa n-kɔhiri bindira maa Ijiptinim’ zaa zuɣu, dama kum maa daa miiya pam Ijipti tiŋgbɔŋ maa ni.