Masacɛ y'a fɔ Yusufu ye ko: «Ne ye siko kɛ, mɔgɔ si ma sɔrɔ min be se k'o kɔrɔ fɔ ne ye. Ne y'a mɛn ko ni mɔgɔ y'a ka siko fɔ i ye, ko i be se k'o kɔrɔ fɔ.»
O kɔ, ne ye misi wolonwula wɛrɛ ye tugu, olu fasanin tun be kosɔbɛ, u ma ɲi hali fitini. Ne yɛrɛ m'u ɲɔgɔn ye fɔlɔ Ezipiti jamana kɔnɔ. Olu bɔra baa kɔnɔ fana ka tugu fɔlɔta nunu kɔ.
U ye belebeleba nunu ɲimi ka ban tuma min na, mɔgɔ tun te se ka l'a la k'olu le ye u ɲimi, bari u cogoya ma yɛlɛma hali fitini. U tora u cogokɔrɔ nin na yen. O tuma na, ne kununna.
Misi wolonwula minw bɔra dɔ nunu kɔfɛ n'u fasanin lo, n'u ma ɲi, olu ye saan wolonwula ye, kisɛ te suman kuun wolonwula minw na, ni u ɲaga jara fɔɲɔ fɛ, olu fana ye saan wolonwula kɔngɔ ye.
Masacɛ ka banba ka mɔgɔ dɔw sigi fana minw bena to ka suman kafo jamana kɔnɔ, mɔgɔw bena suman min sɔrɔ, o be tilan sigiyɔrɔ duuru, kelen be minɛ, sanɲuman wolonwula nunu kɔnɔ.
Wotoro min be tugu ale masacɛ ta kɔ, Yusufu yɛlɛla o kɔnɔ. Mɔgɔ dɔw tun bilar'a ɲa ka to ka pɛrɛn ko: «Aw y'aw kunbiri gwan duguma!» A kɛra ten, masacɛ y'a sigi k'a kɛ Ezipiti jamana bɛɛ kuntigi ye.
Masacɛ ye tɔgɔ la Yusufu kan ko Safinatipaneya. U ka dugu dɔ be yen, min tɔgɔ ko Ɔni, a y'o dugu nin murutigi Potifari denmuso Asenati d'a ma furu la. Yusufu bɔra ka Ezipiti jamana yɔrɔ bɛɛ yaala.
Suman minw sɔrɔla Ezipiti o saan wolonwula nunu kɔnɔ, Yusufu y'o bɛɛ lajɛn k'a mara dugubabaw kɔnɔ, ka dugudenninw taw ta ka na n'u ye dugubabaw kɔnɔ k'u mara yen.
kɔngɔ bena don saan wolonwula minw kɔnɔ, olu sera i n'a fɔ Yusufu tun y'a fɔ cogo min na. Kɔngɔ donna jamana tɔw bɛɛ la, nga dumuni tun be sɔrɔ Ezipiti yɔrɔ bɛɛ la.
Kɔngɔ fana nana se Ezipiti yɔrɔ bɛɛ la tuma min na, jamanadenw kasira Ezipiti masacɛ nɔɔ fɛ janko a ka dumuni d'u ma. Masacɛ y'a fɔ u bɛɛ ye k'u ka taga Yusufu fɛ, ko n'a ye fɛɛn min fɔ u ye, u k'o kɛ.
Kɔngɔ sera jamana yɔrɔ bɛɛ la. Yusufu ye sira di k'u ka bondow bɛɛ dayɛlɛ dugubabaw bɛɛ la janko ka suman feere Ezipitikaw ma. Kɔngɔ fana juguyara Ezipiti jamana na.