A bona dikgomo tše dingwe tše di šupago di etšwa nokeng di latela tšela; tšona e le tše makgoro, di otile. Tša tla tša ema mo khwiting ya noka ya Nile.
Ka moswana a kwa pelo ya gagwe e tšhogile, mme a roma motseta a yo bitša bohle bomaitsemangwalo a ba Egipita, le bahlale ka moka. Fela, gwa hlokwa wa go hlathollela Farao diloro tšeo.
Bjale re be re na le lesogana la Mohebere gona moo; e be e le molata wa molaoladikala. Ge re mmotša diloro tša rena, o re hlatholletše ka tlhathollo e lego yona.
Farao a bolela le Josefa a re: Ke lorile diloro, mme ke hloka wa go ntlhathollela. Bjale ke kwele ba go bolela ba re: Ge o boditšwe diloro, o a di hlatholla.
Mme ka bona go etšwa gwa latela dikgomo tše dingwe di šupago tša mekodua, tše di befilego kudu, tše di gwametšwego; mo nageng ka moka ya Egipita ga ke ešo ka bona tše di befilego bjalo ka tšona.
Diako tše di šupago tše tshesanyane tše, tša metša diako tšela tše di šupago tše botse. Bjale ke di anegetše bomaitsemangwalo, mme ga go na e a ntlhathollelago.
Le dikgomo tše tše di šupago tše di gwametšwego, tše di befilego tše di latetšego tšela, ke nywaga e šupago. Le diako tšeo tše di šupago tše di se nago selo, tše di tšhumilwego ke phefo ya bohlabela, e tlo ba nywaga e šupago ya tlala.
A Farao a ke a dire se: A a bee bahlapetši mo nageng ye, mme a ntšhiše batho karolo ya bohlano ya tše di bunwago mo nageng ya Egipita ka nywaga e šupago ya mohora.
Farao a bolela le Josefa a re: Bjale ge Modimo a šetše a go utolletše dilo tše ka moka, ga go sa na yo mongwe wa tlhaloganyo le yo bohlale e a kago etša wena.
Ke wena e o tlogo ba molaki wa ntlo ya ka, gomme setšhaba sa ka ka moka se tlo bušwa ke molomo wa gago; se nna ke tlogo go feta ka sona ke sedulo sa bogoši fela.
Farao o mo reile leina la Tsafunathe-Panea (Mofepanaga), a mo tšeiša Asenatha morwedi wa Potifera moperisita wa Oni, ya ba mosadi wa gagwe. Gomme Josefa a putlaputla naga ya Egipita.
Josefa, mola e eme pele ga Farao kgoši ya Egipita, o be a na le nywaga e masome a mararo. Gomme Josefa a tloga gona moo a putlaganya naga ka moka ya Egipita.
Josefa a kgobela dijo ka moka tša nywaga yeo e šupago e kilego ya ba gona nageng ya Egipita, dijo a di bolokela metseng; mabele a mašemo a motse o mongwe le o mongwe a a boloka mo motseng.
Gwa thoma nywaga e šupago ya tlala; gwa tla se Josefa a se boletšego. Tlala ya wa dinageng ka moka; fela mo nageng ya Egipita go be go sa na le bogobe.
Bjale ge naga ka moka ya Egipita le yona e welwa ke tlala, setšhaba sa llela bogobe go Farao. Farao a laela Baegipita ka moka a re: Yang go Josefa, le dire se a tlogo le botša sona.
Ya re mola tlala e šetše e enetše lefase ka moka, Josefa a kgona a bula dišego tša mabele, mme Baegipita ba reka. Le mo nageng ya Egipita tlala e be a thatafala.