Si ki ta du wa gere wiso, ko ki du ni fudifudi ko toroko yo a; ko ki kedi sunge ki yambu abinza Ezipeta yo na airatatamana dunduko a. Faro ki gumba gako musumo fu yo, ono a nga boro sa narengbe na yugo sangbaha fu Faro te.
Ani adu yo na paranga nangia Ebere, ko nangia moyambu fu barutiri ababandarago. Ani ki gumba ha fu ko, ko ki yugu sangbaha fu rani ni ba sa sa kuti gaani musumo.
Faro ki ya fu Yosefa, “Mi nirari musumo, a nga boro ho sa rengbe na yugo sangbaha fere te. Mi gi gu pai i nigumba ha tipa ro ya ho mo nigi pa musumo ni, mo nirengbe na yugo sangbaha.”
Kura anaabagara ki kuru ngba fuo ra saba, ni ngorokonya ra ni saarasaara ra, ki du ni gongbogongbo ra. Mi abi nga nya ringara Ezipeta no wa ami mbata wa sa te.
Gu ngorokonya saarasaara anaabagara nidu saba nga agu ra nikuru ngba fuo ra si nga garã saba, na gu warawara nganu nizara nidu saba, nga gu nidu ni uguhe be gu yuge naye uroyo, si a nga garã gberãngbi saba.
Gu riahe re, si adú ni igiigi he tipa ringara kuti agu agarã gberãngbi nikadu saba nga gu nikati ku rogo ringara Ezipeta, ka ringara agbérã nga be gberãngbi ya.”
mo nikadu ku ri gi kporo, kina gu pai mo ka agumba ha kina ha i ka aruga avurure dunduko kuti ni; kina sunga auru mbatabakindo si mi ka kia ti ni ki susi ro.”
Ko ki fu gu gako ue ngbagida fu ko ko nindú rogo ho; i ki ningbiko barangba ko, niya, “Aboro kuku!” Were ko amoi ko ni bazogo ku ri ringara Ezipeta dunduko.
Faro ki yambu rimo Yosefa nga Safenata-panea, ki fu Asenata fu ko ni diako nangia wiri Potifera nadu ni boromotumo Ono yo. Yosefa ki nita ata rogo ringara Ezipeta dunduko.
Ko ki nidungura gu riahe dunduko nangia ga agarã saba re, nga gu nadu ringara Ezipeta yo, ki niigi gu riahe re ku rogo abaakporo yo; gu riahe nakura aati yo, pati abaakporo kirikiri dunduko, ko ki niigi kina ha rogo gu bakporo re.
Yosefa ki yambu rimo bambata wiriko nga Manase, ko aya, “Bambiko Mbori gbandaka pa mbugo gimi asunge dunduko bangire, na pa ga buba aborokporo a dunduko.”
Ho gomoro amoi pai ni rogo ringara Ezipeta dunduko, aboro ki nikpari fu Faro tipa riahe; Faro ki ya fu aEzipeto dunduko, “Oni ndú koyo du Yosefa ni; gu pai ko ka gumba ha fu roni, oni ki mangi kina ha.”
Gberãngbi ki ti ku auru kpotosende zegino dunduko. Yosefa ki za angbadimo asoro dunduko, ki nibagi riahe fu aEzipeto, bambiko gberãngbi adu ni kere he rogo ringara Ezipeta.
Aboro ki ye rogo aringara dunduko ku Ezipeta yo koyo du Yosefa ni, ka ngbeka zende ahe bambiko gberãngbi adu ni kere he rogo kpotosende zegino dunduko.