×

أَتَّوْرَتْ دَ أَنَّبَاوَا 2020

Farawa 42

1
لُواْكَثِنْ دَ يَعْڧُوبَ يَجِ ثٜىٰوَ أَݣَويْ حَڟِ أَ مَصَرْ، سَيْيَثٜىٰ وَیَیَنْسَ «دُوانْمٜىٰ كُكٜىٰ ذَمَ كُنَ كَلُّوانْ جُونَ حَكَ؟
2
غَاشِ نَجِ ثٜىٰوَ أَݣَويْ حَڟِ أَ مَصَرْ؞ كُغَنْ‌غَرَ وُرِنْ كُسَيُواْ مَنَ، دُواْمِنْ مُسَامُ مُرَايُ كَدَ مُمُتُ؞»
3
سَيْ یَنْعُوَنْ يُوسُڢَ غُواْمَ سُكَ غَنْ‌غَرَ ذُوَا مَصَرْ، دُواْمِنْ سُسَيُواْ حَڟِ؞
4
عَمَّا يَعْڧُوبَ بَيْ عَيْكِ بِلِيَامِنُ تَرٜىٰدَ سَوْرَنْ یَنْعُوَنْ يُوسُڢَ بَ، غَمَا يَنَ ڟُواْرُواْ كَدَ وَنِ أَبُ يَڢَرُ دَشِ؞
5
تَهَكَ یَیَنْ يَعْڧُوبَ سُكَ إِسَ مَصَرْ تَرٜىٰدَ سَوْرَنْ مُتَنٜىٰنْ دَ سُكَ تَڢِے دُواْمِنْ سَيٜىٰنْ حَڟِ، غَمَا يُنْوَرْ تَا كَيْ يَنْكِنْ كَنْعَنَ؞
6
يُوسُڢَ كُوَ شِينٜىٰ ڠُومْنَنْ ڧَسَرْ، شِينٜىٰ كُمَ مَيْسَيَرْ دَ حَڟِ غَ دُكَنْ مُتَنٜىٰنْ ڧَسَرْ؞ سَيْ یَنْعُوَنْ يُوسُڢَ سُكَذُواْ غَبَنْسَ سُكَ رُسُنَ دَ ڢُسْكُواْكِنْسُ حَرْ ڧَسَا؞
7
دَ يُوسُڢَ يَغَ یَنْعُوَنْسَ سَيْ يَغَانٜىٰ دَسُو، عَمَّا يَا مَيْدَسُو كَمَرْ بَاڧِ، يَيِ مُسُ مَغَنَ دَ ذَاڢِ؞ يَثٜىٰ مُسُ «دَغَ إِنَا كُكَ ڢِتُواْ؟» سُكَثٜىٰ «دَغَ ڧَسَرْ كَنْعَنَ دُواْمِنْ مُسَيِ عَبِنْثِ؞»
8
كُواْدَيَكٜىٰ يُوسُڢَ يَاغَانٜىٰ دَ یَنْعُوَنْسَ، سُو بَسُ غَانٜىٰ شِيبَ؞
9
سَيْ يُوسُڢَ يَغَانٜىٰ دَ مَڢَرْكَنْ دَ دَا يَيِ عَكَنْسُ؞ يَثٜىٰ مُسُ «كُو مَاسُ لٜىٰڧٜىٰنْ أَسِيرِ نٜىٰ، كُنْذُواْ نٜىٰ دُواْمِنْ كُغَ عِنْدَ بَامُ دَ ڧَرْڢِے عَڧَسَرْ؞»
10
سُكَثٜىٰ وَ يُوسُڢَ «أَعَ، رَنْكَيَدَطٜىٰ، مُنْ ذُواْ نٜىٰ دُواْمِنْ مُسَيِ عَبِنْثِ؞
11
مُو دُكَ یَیَنْ مُتُمْ غُدَا نٜىٰ، مَاسُ غَسْكِيَ، مُو كُمَ بَ یَنْ لٜىٰڧٜىٰنْ أَسِيرِ بَنٜىٰ؞»
12
يُوسُڢَ يَثٜىٰ «أَعَ! كُو دَيْ كُنْذُواْ كُغَ عِنْدَ ڧَسَرْمُ بَاتَ دَڧَرْڢِے نٜىٰ؞»
13
سَيْ سُكَثٜىٰ «رَنْكَيَدَطٜىٰ، مُو بَايِنْكَ یَنْعُوَ نٜىٰ غُواْمَشَا بِيُ، كُمَ یَیَنْ مُتُمْ غُدَا عَڧَسَرْ كَنْعَنَ؞ أَوْتَنْمُ يَنَ تَرٜىٰدَ بَابَنْمُ، طَيَنْمُ كُمَ بَاشِ دَ رَيْ؞»
14
عَمَّا يُوسُڢَ يَثٜىٰ مُسُ «كَمَرْ يَدَّ دَيْ نَڢَطَا مُكُ، كُو یَنْ لٜىٰڧٜىٰنْ أَسِيرِ نٜىٰ!
15
غَا يَدَّ ذَنْ ڠُودَكُ، نَا ضَنْڟٜىٰ دَ رَنْ ڢِرْعَوْنَ، بَذَاكُ ڢِتَ دَغَ وُرِنَّنْ بَ، سَيْ أَوْتَنْكُ يَا ذُواْ نَنْ؞
16
كُ عَيْكِ طَيَ دَغَ ثِكِنْكُ يَكَٰوُاْ طَنْعُوَنْكُ؞ عَمَّا سَوْرَنْكُ، ذَاعَ كُلّٜىٰكُ دُواْمِنْ عَتَبَّتَرْ دَ مَغَنَرْكُ، كُواْ أَݣَويْ غَسْكِيَ عَثِكِنْكُ؞ عِدَنْ بَهَكَبَ، نَا ضَنْڟٜىٰ دَ رَنْ ڢِرْعَوْنَ، كُو یَنْ لٜىٰڧٜىٰنْ أَسِيرِ نٜىٰ!»
17
سَيْ يَكُلّٜىٰسُ دُكَ ثِكِنْ كُرْكُكُ حَرْ ݣُونَ عُكُ؞
18
أَ رَانَ تَ عُكُ سَيْ يُوسُڢَ يَثٜىٰ مُسُ «تُواْ، غَا أَبِنْدَ ذَاكُيِ دُواْمِنْ كُرَايُ، غَمَا نِے مَيْ ڟُواْرُوانْ اللَّهْ نٜىٰ؞
19
عِدَنْ كُو مَاسُ غَسْكِيَ نٜىٰ، بَرِ طَيَ دَغَ ثِكِنْكُ يَذَوْنَ أَنَنْ كُرْكُكُ، سَعَنً سَوْرَنْ سُكَيْوَ عِيَلَنْكُ دَسُكٜىٰ ثِكِنْ يُنْوَ حَڟِ؞
20
سَعَنً سَيْ كُكَٰوُاْ مِنِ أَوْتَنْكُ؞ عِدَنْ كُكَيِ حَكَ ذَنْ تَبَّتَرْ دَ مَغَنَرْكُ، بَذَاعَ كُوَ كَشٜىٰكُبَ؞» حَكَ كُوَ سُكَ يَرْدَ سُيِ؞
21
سَيْ سُكَثٜىٰ وَجُونَنْسُ عَيَرٜىٰنْسُ «أَ عَيْنِحِنْ غَسْكِيَ، أَلْحَكِنْ طَنْعُوَنْمُ نٜىٰ يَكٜىٰبِنْمُ دَيَكٜىٰ مُنْ غَا عَذَابَرْسَ سَعَدَّ يَكٜىٰ ضُواْڧُوانْمُ مُتَيْمَكٜىٰشِ، عَمَّا مُكَڧِ جِنْسَ؞ سَبُواْدَ حَكَنٜىٰ وَنَّنْ عَذَابَ تَسَوْكُواْ مَنَ؞»
22
سَيْ رَعُبَيْنُ يَأَمْسَ مُسُ يَثٜىٰ «أَهَ! بَنْ ڢَطَا مُكُبَ ثٜىٰوَ كَدَ كُيِ وَيَرُواْنَّنْ وَنِ أَبُبَ؟ كُكَڧِ كُجِنِ؞ تُواْ، يَوْ أَلْحَكِنْ جِنِنْسَ نٜىٰ مُكٜىٰبِيَ؞»
23
بَسُ سَنِبَ، أَشٜىٰ يُوسُڢَ يَنَ جِنْسُ، غَمَا دَا مَا يُوسُڢَ يَنَ مَغَنَ دَسُو تَوُرِنْ تَڢِنْتَ؞
24
سَيْ يُوسُڢَ يَجُويَ وَنِ وُرِے، يَيِ كُوكَا؞ سَيْ يَسَاكٜىٰ كُواْمَاوَا وُرِنْسُ يَيِ مَغَنَ دَسُو؞ يَا طَوْكِ سِمٜىٰيُوانْ دَغَ ثِكِنْسُ يَسَا أَطَوْرٜىٰشِ أَعِدَنُونْسُ؞
25
يُوسُڢَ يَا عُمَرْتَ عَثِكَ بُهُنَنْ یَنْعُوَنْسَ دَ حَڟِ، عَكُمَ مَيَرْ وَكُواْوَ كُطِنْسَ ثِكِنْ بُهُنْسَ، عَكُمَ بَاسُ عَبِنْثِ دُواْمِنْ سُثِ أَ حَنْيَ؞ حَكَ كُوَ عَكَيِ مُسُ؞
26
سُكَيِ وَجَاكُنَنْسُ لُواْدِنْ حَڟِ، سُكَ كَامَ حَنْيَ؞
27
دَ طَيَ عَثِكِنْسُ يَبُوطٜىٰ بُهُنْسَ، دُواْمِنْ يَبَا جَاكِنْسَ عَبِنْثِ سَعَدَّ سُكَيِ ذَنْ‌غُواْ، سَيْ يَغَ كُطِنْسَ عَبَاكِنْ بُهُنْسَ؞
28
سَيْيَثٜىٰ وَیَنْعُوَنْسَ «غَاشِ، أَنْمَيَرْ مِنِ دَ كُطِنَ! يَنَنً عَبُهُنَ؞» سَيْغَابَنْسُ يَڢَاطِ، سُكَ جُويَا سُنَ كَلُّوانْ جُونَ سُنَ ضَوَرْ جِكِے سُنَثٜىٰوَ «مٜىٰ كٜىٰنَنْ اللَّهْ يَيِ مَنَ؟»
29
سَعَدَّ سُكَذُواْ وُرِنْ بَابَنْسُ يَعْڧُوبَ عَڧَسَرْ كَنْعَنَ، سَيْ سُكَ ڢَطَا مَسَ دُكَنْ أَبِنْدَ يَڢَرُ دَسُو؞
30
«ڠُومْنَنْ مَصَرْ يَيِ مَنَ مَغَنَ دَ ذَاڢِ، يَا طَوْكٜىٰمُ یَنْ لٜىٰڧٜىٰنْ أَسِيرِنْ ڧَسَا نٜىٰ؞
31
عَمَّا مُكَثٜىٰ مَسَ، ‹مُو مُتَنٜىٰنٜىٰ مَاسُ غَسْكِيَ، بَیَنْ لٜىٰڧٜىٰنْ أَسِيرِبَ؞
32
مُو یَنْعُوَ نٜىٰ، مَظَا غُواْمَشَا بِيُ عَبَابَنْمُ؞ طَيَ بَاشِ دَ رَيْ، طَنْ أَوْتَنْ كُمَ يَنَ تَرٜىٰدَ بَابَنْمُ عَڧَسَرْ كَنْعَنَ؞›
33
سَيْ مُتُمِنْ، وَتُواْ ڠُومْنَنْ ڧَسَرْ، يَثٜىٰ مَنَ، ‹تُواْ، غَا يَدَّ ذَنْسَنِ كُواْ كُو مُتَنٜىٰ مَاسُ غَسْكِيَ نٜىٰ، كُبَرْ طَنْعُوَنْكُ طَيَ تَرٜىٰدَنِ، كُطَوْكِ حَڟِ دُواْمِنْ عِيَلَنْكُ وَطَنْدَ سُكٜىٰ ثِكِنْ يُنْوَ، كُتَڢِے؞
34
كُكَٰوُاْ مِنِ أَوْتَنْكُ، تَهَكَ ذَنْ سَنِ ثٜىٰوَ كُو بَیَنْ لٜىٰڧٜىٰنْ أَسِيرِ بَنٜىٰ، عَمَّا مُتَنٜىٰ مَاسُ غَسْكِيَ نٜىٰ؞ ذَنْكُوَ مَيَرْ مُكُ طَنْعُوَنْكُ، كُكُمَيِ تَكَاسُوَنْثِ عَڧَسَرْ؞› »
35
سَعَدَّ سُكٜىٰ جُويٜىٰ حَڟِنْ بُهُنَنْسُ، سَيْ كُواْوَ يَغَ كُطِنْسَ عَثِكِ؞ دَ سُو دَ بَابَنْسُ سُكَغَ ڧُنْشِنْ كُطَطٜىٰنْسُ، سَيْ سُكَجِڟُواْرُواْ؞
36
سَيْ يَعْڧُوبَ يَثٜىٰ مُسُ «نِنٜىٰ كُكَ جَٰوُاْ مِنِ رَشِ؞ يُوسُڢَ بَايَنَنْ، سِمٜىٰيُوانْ شِے مَا بَايَ نَنْ، يَنْذُ كُمَ بِلِيَامِنُ ذَاكُطَوْكَ؞ نِنٜىٰ كَطَيْ كُوَ مَيْجِنْ دَ دَامُوَرْ نَنْ!»
37
سَعَنً رَعُبَيْنُ يَيِ مَغَنَ دَ بَابَنْسَ يَثٜىٰ «بَرِ كَكَشٜىٰ یَیَنَ مَظَا بِيُ عِدَنْ بَنْدَاوُاْ تَرٜىٰدَ يَرُوانْ وُرِنْكَبَ؞ كَيْ دَيْ كَسَاشِ أَ هَنُّونَ، ذَنْ كُوَ دَاوُاْ مَكَ دَشِ؞»
38
عَمَّا يَعْڧُوبَ يَثٜىٰ «طَانَ بَذَيْ غَنْ‌غَرَ تَرٜىٰدَكُوبَ؞ غَمَا طَنْعُوَنْسَ يَا مُتُ، شِينٜىٰ كَطَيْ كُوَ يَرَغُ؞ عِدَنْ كُوَ وَنِ أَبُ يَا سَامٜىٰشِ أَ حَنْيَ عَثِكِنْ تَڢِيَرْكُ، ذَاكُسَلَّمِ ڢَضٍ كَنَّنْ نَوَ ذُوَا وُرِنْ ذَمَنْ مَتَتُّو ثِكِنْ بَڧِنْ ثِكِ؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula