A Zozɛf sẽn yãe a kẽem dãmbã, a bãng-b lame la a maana waa a ka mi-b ye, n tol gomd ne b yãas-yãasa. A sok-b lame: «Yãmb yita yɛ?» B leokame: «Tõnd yii Kanaã tẽng n wa n na n da koodo!»
Tʋm-y yãmb nin-yende t'a tɩ boaal-a t'a wa la yãmb meng pa roogẽ ka; d na ges y toagsga sã n yaa sɩda bɩ y sã n yagda zirẽ. D sẽn nan ka tar y pʋgã, m ket n wẽenda ne Ezipt dĩma tɩ yãmb yaa lɩɩsdba.»
B ra yeta taaba: Sɩda, yaa tõnd sẽn maan d yao wã bũmb ninga n leb tõndo, tõnd yãee sũ-sãang ning sẽn da be a sũurẽ a sẽn waa n yet tɩ d maan-a sugri tɩ tõnd pa kelgã, yaa rẽ la tõnd me zĩ rũnna ne yɩɩre.
T'a na n yeel a ba-biisã: «B lebsa maam m ligdi, b sui-a-la m yolgẽ wã.» B pɛleng yɩka wʋsgo tɩ b get taaba la b rigda la b yetẽ: «Yaa bõe la Wẽnd maan tõnd woto?»
Sẽn dɩta naam tẽnga pʋgẽ da ratame n bãng tõnd sã n togsda sɩda la a yeelame: ‹Bas-y yãmb nin-yend ka n kul ne kood n tɩ kõ y yir dãmba tɩ b tara a tʋʋmde;
la lɛɛg n wa-y ne yãmb yao-zʋʋgã tɩ m na bãng tɩ y ka lɩɩsdb ye la y togsa sɩda; dẽ poor marsã m na lebs y nedã la y na tõog n da y sẽn dat bũmb ninga fãa tẽnga pʋgẽ.› »
B ba a Zakoob yeel-b lame: «M kamb a yiib n ka ye, a Zozɛf ka ye, a Simeõ me ka ye, tɩ yãmb le rat a Bẽnzame n paase, yaa mam zug la yɛla fãa lʋɩta, dẽ fãa yaa mam zu-beedo!»
A Zakoob baas n yeelame: «Mam biiga kõn tũ yãmb ye. A kẽema kiime n bas yẽnda a ye, y sã n dɩk y sorã tɩ yell tek n pak-a, ad-y m kʋʋlma la sũ-sãang kãsenga na n kʋ-m lame.»