Mapalal o Jose phenda pe slugake kai arakhela leko cher: Pher lliu e vreche gale llenenge so mai but sai inllarena, ta thov lenge love po mui katar suakoneki vrecha.
Ta thov mo taso, o taso rupuno po mui katar e vrecha e mai terneki e lovenchar kai pochinda o lliu. Ondaka o sluga kai arakhela leko cher cherda gia sar phenda leke o Jose.
Ni likistea but dur katar o foro, kana o Jose phenda pe slugake kai arakhela leko cher: Lla pala gola llene, ta phen lenge gia kana ka malave len: ¿Soke pochinden mange o lachipe e bilachimaia? ¿Soke chorden o taso rupuno
Te irisailam katar o Kanaan, irisailam te iri e love kai maladam ando mui katar amare vreche. ¿A pala so maka chora rup ta sunakai katar o cher che gazdako?
Ondaka o lleno kai arakhela o cher phenda: Ka cherdol gia sar phenen tumen, o lleno kai malavaia lete o taso ka avel mo sluga, a ogola sai ka llantar bi dosako.
Ondaka o Juda phenda leke: ¿So ka phena chuke akana? ¿Sar ka sikava kai amen ni sam dosale? O Del malada amen ando bilachipe. Akana amen sam che sluge e llenea kai malade lete o taso.
Ondaka o Juda avilo pasa o Jose ta phenda leke: Me molivman chuke gazda, Muk te phenav chuke vareso po chorial. Cher mange gava sebapi, te na joliao manchar, soke tu san sargo o Faraon.
ta amen phendam chuke kai saia amen iek dad phuro ta iek phlal but terno kai biandilo kana amaro dad ia saia phuro. Ta i phendam chuke kai amaro dad but volil le, soke gua chaurro saia le iek phlal kai mulo ta samo vou achilo katar e chaurre leke dake.
a amen phendam leke: Amen nasti lla, te na avela amenchar amaro phlal o mai terno, soke vou te na llala amenchar amen nasti ka lla te dikha gole manuse.