Waray na pakakapugong hi Jose han iya mga pagbati ha atubangan han iya mga surugoon, sanglit iya ginsugo hira ngatanan hin pagbaya han kwarto. Waray na iba nga kaupod niya han pagpakilala ni Jose ngadto han iya kabugtoan.
Nagsiring hi Jose ngadto han iya kabugtoan, “Amo ako hi Jose. Buhi pa ba an akon amay?” Kundi han pakabati hini han iya kabugtoan, nahadlok hira hin duro nga waray hira pakabaton.
Niyan nagsiring ha ira hi Jose, “Alayon duok kamo ngadi.” Dinmuok hira ngan nagsiring hiya, “Amo ako hi Jose nga iyo bugto nga iginbaligya niyo nganhi ha Ehipto.
Yana ayaw kamo kabaraka o pagbasol ha iyo ngahaw tungod nga iginbaligya ako niyo nganhi. An Dyos amo gud an nagpadara ha akon hin pag-una ha iyo nganhi hin pagtalwas han mga kinabuhi hin mga tawo.
Sanglit diri gud kamo kundi an Dyos amo an nagpadara ha akon nganhi. Ginhimo ako niya nga gilalabawi nga opisyal han hadi. Amo ako an tinaporan han iya bug-os nga nasod; amo ako an punoan han bug-os nga Ehipto.”
“Yana pagdagmit kamo hin pagbalik ngadto han akon tatay ngan sumati hiya nga amo ini an siring ni Jose nga iya anak, ‘Ginhimo ako han Dyos nga punoan han bug-os nga Ehipto; pakadi ha akon hin waray paglangan.
Makakag-ukoy ka didto han katunaan han Gosen diin mahihirani kamo ha akon—ikaw, an imo mga anak, an imo mga apo, an imo mga karnero, an imo mga kanding, an imo mga baka, ngan an ngatanan nga iba pa nga imo mga hiagi.
Kon aadto ka na ha Gosen, makakagmangno ako ha iyo. May lilima pa ka tuig nga gutom; ngan diri ko karuyag nga panggutomon ikaw, an imo panimalay, ngan an imo mga hayop.’”
Sumati an akon tatay nga gamhanan na ako dinhe ha Ehipto ngan sumati hiya hiunong han ngatanan nga iyo hinkit-an. Niyan pagdagmit kamo ngan dad-a hiya nganhi.”
Ngan samtang nagtitinangis pa hi Jose, ginhangkopan niya an kada usa han iya kabugtoan ngan ginhagkan hira. Katapos hito, nakighimangraw na ha iya an iya kabugtoan.
Ipakuha ha ira an ira amay ngan an ira mga panimalay, ngan pabalika hira nganhi. Ighahatag ko ha ira an gimamaupayi nga tuna dinhe ha Ehipto, ngan mahuhura hira hin pagkaon.
Gintuman han mga anak ni Jacob sumala han iginsiring ha ira. Gintagan hira ni Jose hin mga karomata ngan pagkaon para han ira paglalaktan sumala han iginsugo han hadi.
Gintagan liwat niya hin liliwanan nga panapton an kada usa ha ira, kundi gintagan niya hi Benjamin hin tulo ka gatos ka bug-os nga salapi ngan lima nga liliwanan nga mga panapton.
Ginpadad-an niya an iya amay hin napulo nga mga asno nga kargado han labi kamaupay, nga mga butang ha Ehipto, ngan napulo nga mga asno nga kargado hin mga liniso, tinapay, ngan iba pa nga pagkaon para han ira paglalaktan.
Kundi han ira nagpagsumati ha iya han ngatanan nga iginsiring ha ira ni Jose, ngan han paghikit-i niya han mga karomata nga iginpadara ni Jose para hin pagdara ha iya ngadto ha Ehipto, nawara an iya paghitingala ngan nalipay hiya.