O Jose llelo te phenel e viasta e Faraonoke ta phenda leke: Mo dad, me phlal, lenge bakre ta lenge guruva ta sa pe ezgodenchar avile katar e phuv katar o Kanaan, ta akana si ande phuv katar o Gosen.
Ondaka o Faraon puchla e Joseeke phlalen: ¿Ande so radin tumen? A von phende leke: Amen che sluge sam chobanura, arakha bakren gia sar cherenale amare purane.
Amen avilam te acha ande gaia phuv, soke bari bok si ando Kanaan ta inai char amare bakrenge. Goleke moli amen chuke, muk amen te zivi ande phuv katar o Gosen.
E phuv katar o Ejipto si angla tu. De len e phuv katar o Gosen kai si e mai lachi, te sai zivin kote. A te malavea llene maskar lende kai llanen te cheren buchi, thov len te arakhen me guruven.
A o Jakob phenda leke: Si mange stotina ta tranda burs kai llav katar iek rig pe aver rig. Inai but bursa ta bilache, soke ni reslem te ziviu so zivisarde me purane.
Gia o Jose dia phuv pe phlalalen ande mai lachi phuv katar o Ejipto, te sai zivin kote gia sar o Faraon phendaia leke. Gia si sar leko dad ta leke phlal avila len phuv ande mai lache umalia katar o Rameses.
Kana ni saia love ando Ejipto ta ni ando Kanaan, e ejipsiura llele te phenen e Joseeke: De amen tu te ja, inai sukar te muke amen te mera bokhatar samo soke inai amen love.
Mapalal kana nakhlo gua burs, ta avilo o duito burs, avile lete ta phende leke: Nasti guruva tutar kai inai amen love, ta amare zivirinie si chire. Akana so si amen si amare phuvia ta amare esnage.
Goleke chin amen tu ta i amare phuvia, ta de amen pe lende lliu. A amen ka ava sluge e Faraonoke ta ka radi leke amare phuvia, ta de amen simiche te na mera ta e phuv te na murilpe. ¿Soke tu ka muke amen te mera amare phuviaia?
Ondaka o Jose chinda sa e phuvia katar o Ejipto e Faraonoke, soke e ejipsiura bichinde pe phuvia cheres e bari bok kai avila pe lende, gia si sar e phuv nakhla ande va e Faraonoke,
ta o panchto katar so ka chiden ka avel e Faraonoke, ta o starto katar so ka chiden ka avel te thoven pale simiche ande phuv ta te sai jan tumen, tumare chaurre ta e llene kai zivin tumenchar.
Ondaka o Jose thoda gava zakono ande sa e phuv katar o Ejipto, te sai delpe o panchto katar so chidelpe katar e phuv. Gava zakono si llik allive, samo e popura ni pochinen niso, soke lenge phuvia nikada ni avile e Faraonoke.
Iek llive o Israel acharda kai leko llive te merel saia pase. Ondaka ikharda pe chaurre e Josee ta phenda leke: Te avela de istina kai mange te chere mange iek sebapi, thov cho va telal tala mi chang, ta ja mange sovel kai ka chere so me ka mangav tutar. ¡Moliv man chuke na prajo man ando Ejipto!