Aku enggai bepekat enggau seduai iya, Lalu aku enggai mega baum enggau seduai iya, laban seduai iya munuh orang ketegal seduai iya ringat. Lalu seduai iya merinsaka jelu sapi ti lelaki kena seduai iya ngelantangka diri.
Judah deka megai tungkat ti diraja, Lalu peturun iya deka seruran merintah. Semua bansa deka mai chukai sida ngagai iya Lalu meremi di mua iya, laban sida ngasika iya.
Tang iya meda menua nya manah alai belelak Lalu menua nya ngerinduka ati. Nya alai iya lalu ngenjingka belakang iya ngesan utai Lalu iya nyadi ulun ke dipejalka ngereja pengawa ti berat.
Tang panah iya mengkang enda beguyat, Lalu lengan iya kering Ulih kuasa Allah Taala ti Pemadu Bekuasa ke disembah Jakop, Ulih Pengibun Domba, ke nyaga orang Israel.
Allah Taala ti disembah apai nuan deka nyaup nuan, Allah Taala ti Pemadu Bekuasa deka merekatka nuan Ngena ai ujan ti labuh ari langit Enggau ngena ai ti dalam ti di baruh tanah, Meri nuan mayuh jelu sapi enggau mayuh anak,
Berekat ti diberi apai kita kering agi ari berekat ti datai ari bukit ti meruan belama iya ari pengaya ti datai ari munggu ti meruan belama iya Awakka semua berekat nya meruan ba atas pala Josep, ba kening iya ti udah diseraraka ari bala menyadi iya.
Udah nya Jakop lalu bejaku enggau bala anak lelaki iya munyi tu, “Aku nyau deka mati. Kuburka aku begulai enggau bala apai aku, dalam lubang gua ti ba padang ti udah diempu Epron, orang Iti,