Kä ɛn wa̱nɔ cu Kuoth Nowa tim kɛnɛ le̱y diaal kɛ ɣɔ̱k diaal tëë tekɛ jɛ kɛɛl rɛy ria̱a̱y. Kä cuɛ jiɔam jak kä bɛ puɔ̱t wi̱i̱ muɔ̱ɔ̱n, kä cu pi̱ wee do̱n.
Kɛ thiaŋdɛ cu guk luny jɔk, kä nɛ̈nɛ jɛ, cuɛ ben te thokdɛ kɛ ji̱th jiaath mi tɔ̱c mi cɔal jiathdɛ i̱ Ɔ-lip. Ɛ jɛn cu Nowa ɛ cu ŋa̱c ɛn ɣöö ci piny kööt.
Kä nɛ̈n ɛ, mëë ci Nowa runkɛ a run ti kur bäkɛl wi̱cdɛ kɛl, kɛ cäŋ in jio̱l kä pay in jio̱l cu pi̱ do̱n, kä cu Nowa thi̱i̱k ria̱a̱y guɛny. Kä min cɛ guel, cuɛ wi̱c muɔ̱ɔ̱n nɛn wëë kɛ mi köötdɛ.
Ɛ jɛ nɔ, mëë ci Nowa cu ben raar, cuɛ Kuoth Nhial ta̱th yi̱k, kä cuɛ rɔ moc kä le̱y diaal tin gɔw kɛ mi̱eth kɛnɛ diit diaal tin gɔw kɛ mi̱eth, kä cuɛ kɛ wëŋ Kuoth Nhial wi̱i̱ yi̱kä ala muc ti waŋkɛ.
Kä cu ŋuänydiɛn lɔc Kuɔth jak kä tɛth, kä cuɛ jɛ lar kɛ lɔcdɛ, “/Cä piny bi me̱t nyɔk kɛ däk kɛ kui̱ nath, kɛ ɣöö ca̱r wuɔ̱thnikiɛn ɛ mi jiääk ni kuɛɛkädiɛn, kä thilɛ yi̱ey kä tin diaal tin cä cak ti bä lɛ nyɔk kɛ ba̱th ce̱tkɛ mi cä la̱t ɛ.