Ërei jókuae año ou ye vae re, mburuvicha reta iñoraro iara pe, David omondo Joab, jare jae ndive opaete imborɨa reta, jare opaete sundaro Israel pegua reta, jare opa oyuka Amón iñemuña reta, jare oñova reta tëta Rabá. Ërei David opɨtaño Jerusalén pe.
Jare Urías jei David pe: —Tumpa ikäjou jare sundaro reta Israel jare Judá pegua ñogüɨnoi o guakapi pegua peño; cheruvicha Joab jare ndesundaro reta ñogüɨnoi ikatu pe eteiño; jaema che, ¿këraita pa aike chero pe, akaru vaerä jare aaɨu jare ake cherembireko ndive? ¡Nderé re ko cheruvicha, ngaraa jókuae ayapo!
Jare David omee okaru jare okau jae ndive, ombosavaɨpo regua. Jare jae kaaru ma yave oë ojo oke juvicha guasu jembiokuai reta pɨri; jare mbaetɨ ojo jo kotɨ.
¿Mbaetɨ pa pemaendúa tëta Tebes pe metei kuña ko oitɨ ɨvate güi Abimelec iñäka re metei angúa ita iperasogüe, jare oyuka vae? ¿Maera pa peya mbatee tëta ikësea re?’ Jayave nde ere chupe: ‘Nderembiokuai Het iñemuña Urías, omano vi.’ ”
Ërei oasa güire ime oäpiro vae iara yave, David omondo güeru jo pe; jare oiko jembirekorä, jare imembɨ chupe metei kunumi. Ërei kuae David oyapo vae, mbaetɨ etei ikavi yandeYa jesa róvai.