Ani akisiakinet a ekaru, ngirwa lupalem eloseeneto ngikapolok lojie, tomea Daudi Yoab ka ngikapolok luuchik keng, ta ngasigerea a Ngisirael. Apot kesi kidwanga Ngiamon, sodi kirikaut ere a Raba. Nakaneni edongit Daudi Yerusalem.
Tatachak Uria tama, “Emam ngasigerea a Isirael ka Yuda kane, eyakasi kesi ka Asaduku a Achamunet lojie. Elomito ekarikon a ngasigerea Yoab ka ngikapolok keng luuchik moding. Ekokini ayong alosi nawi emuj, atamasi, ka akiper ka aberu kang ai? Ekong jik tani iyong ka ayong lu kiyari, nyasubakini ayong ngakiro na ikote nguna!”
Sodi tolim Daudi tama, “Tasal kane akolongit naga, ani moi kalimokini ayong iyong atamar tobongo.” Abu Uria tasal alo Yerusalem akolongit ngina ka akolongit na atupit ngina.
Topudut ngasigerea a ngimoe alu ajioto Ngisirael alore, kitijwoto ngasigerea a Yoab. Apon ngikapolok luuchik a Yoab ngiche taarae alojie. Apon tani Uria taarae.
Nyitamunito esi eger lokolong aarere Abimelek lokookeng a Gideon a? Ani enyaritae Sebes, emasuni aberu ache amoru nakires anawas sodi taara ngesi. Nyo bo irudarotor esi diyete awas?’ Ani kingit iyong ekapolon kongina, tolimok ngesi tama, ‘Aar tani ekapolon kon loochi enyaritae Uria.’ ”
Tolim tama, “Ajwoko ngimoe noi akidwang sua. Apot kesi topudut alore akitojwore sua anikalapatan. Nakaneni kipot sua atobuasi kesi naabor tananga lokidor a ere.