Nyadi anak lelaki David ke benama Absalom bisi siku menyadi dara ti bajik gamal. Nama iya Tamar. Nyadi Amnon, siku agi anak lelaki David, bisi ati ke Tamar.
Ku Jonadap bejaku enggau iya, “Uji nuan gali ba peninduk nuan, lalu ngeluluka diri sakit. Lebuh apai nuan datai ngabas nuan, sebut ngagai iya, ‘Asuh menyadi aku Tamar datai kitu, nyapi aku makai. Aku minta iya nyendiaka pemakai ke aku ditu di mua aku, lalu nyapi aku.’ ”
Amnon lalu ngeluluka diri sakit, lalu gali ba peninduk iya. Lebuh Raja David datai ngabas iya, Amnon lalu bejaku enggau iya, “Aku minta nuan ngasuh Tamar datai lalu ngaga dua tiga igi kek ditu di mua aku, lalu nyapi aku.”
Tamar mansang, lalu nemu Amnon gali ba peninduk iya. Tamar bisi mai tepung. Iya nyendiaka tepung nya, lalu ngaga kek mimit, dipeda Amnon empu, lalu manggang kek nya.
Baka ni ku aku ulih ngayanka mua diri ngagai orang mayuh? Lalu nuan empu deka dipechat semua orang Israel. Aku minta nuan bejaku enggau raja. Iya tentu deka nyerahka aku ngagai nuan.”
Udah nya Amnon balat amat begedika Tamar. Iya begedika iya lebih agi ari iya ti udah rinduka iya sebedau nya. Ku Amnon bejaku enggau Tamar, “Pansut nuan ari tu!”
Orang gaji nya lalu muru Tamar pansut, lalu ngunchi pintu. Nyadi Tamar ngena baju panjai, ti panjai lengan, ti endang dikena anak dara raja lebuh maya nya kelia.
Dua taun udah bekau nya, Absalom ngasuh orang ngukur bedus iya di Baal-hasor, semak nengeri Epraim, lalu iya ngangauka semua anak lelaki raja ngabang ngagai pengawa nya.
Disaut raja, “Enda, anak, enggai ke nuan kiruh laban kami, enti semua kami datai magang.” Absalom lalu mujuk raja, tang raja enggai nurutka iya. Raja lalu ngasuh Absalom mupuk.
Tang Absalom balat amat mujuk raja, datai ke David nyau nejuka Amnon enggau bala anak lelaki iya ti bukai mupuk enggau Absalom. Absalom nyendiaka pengerami makai besai, baka ke nyendiaka pemakai raja
lalu meri atur ngajar bala orang gaji iya: “Peda enggau manah. Lebuh Amnon udah mabuk, lalu lebuh aku ngasuh kita munuh iya, bunuh iya. Anang takut. Aku empu deka betanggungjawapka nya. Kita enda tau enda berani, lalu anang kakang ati!”
Lebuh sida benung di rantau jalai pulai ngagai rumah sida empu, orang lalu madahka ngagai David, “Absalom udah munuh semua anak lelaki nuan. Nadai siku sida agi idup!”
Tang ku Jonadap bejaku, “Tuan Raja, sida enda munuh semua anak lelaki nuan. Semina Amnon aja ke mati. Enti nuan meda ulah Absalom, nya baru nuan nemu iya endang udah mutuska runding deka ngereja nya kenyau ari maya Amnon ke masung menyadi iya Tamar.
Lebuh maya nya Absalom endang udah rari. Siku soldadu ke jaga tepedaka bala orang nurun bukit nengah jalai raya ari Horonaim. Iya mansang ngagai raja, lalu madahka utai ti dipeda iya.