Ngam maajum o neli haa Teko'a, ɓe ngaddani mo debbo marɗo hikma gonɗo haa ton. Yo'ab wi'i mo: “Waɗ hoore ma bana a debbo jurumɗo, taa wuja nebbam, ɓorna bana boyanɗo maayɗo diga nyalɗe ɗuuɗɗe.
Debbo wi'i: “Ngam ɗume a nufi aybewol irin ngo'ol dow yimɓe Allah? A duŋanaaki gudinaaɗo warta diga nokkuure nde o dogguno e mum. Bee bolle ma a do'iri hoore ma kiita.
Ndaa, mi waddi haala am yeeso maaɗa, barkaama, ngam yimɓe kulni yam. Min korɗo ma, mi wi'i: Sey mi wolwana laamiiɗo, teema o waɗan ko korɗo maako tori.
Mi tammi wolde maaɗa de'itintam, barkaama, ngam a ɗon bana malaa'ikaajo Allah, haa a senndindira aybe bee gooŋga. Allah Jawmiraawo ma wondu bee maaɗa.”
O ƴami: “Yo'ab yerɓi ma wolwugo bana nii na?” Debbo jaabi: “Fakat bana a geeto barkaama, walaa mo waawata suuɗango ma koo ɗume. Gooŋga, Yo'ab, suka ma umri yam wargo haa maaɗa, kaŋko wi'i yam mi lorna bolle ɗe'e boo.
Absalom jaabi mo: “Ngam mi ewni ma, an boo a waraay. Mi yiɗi nelugo ma haa laamiiɗo, a wi'a mo: Ngam ɗume mi wurti Gesur, mi wari haa ɗo? Ndikkanammi to mi jooɗino ton haa jonta. Wi' mo mi yiɗi yi'ugo mo. To mi waɗi aybe, nden kam o mbarammi.”