Aga pa sia nagamata kag nagatindog sa higad sang dalan sa pwerta sang siudad. Kon may tawo nga mag-abot nga may kaso nga luyag niya ipahusay sa hari, ginatawag sia ni Absalom kag ginapamangkot kon taga-diin sia. Sa tapos sia makasugid kon taga-diin sia kag kon sa ano nga tribo sia naghalin,
Pero nagpasugo sia sa tanan nga mga tribo sang Israel sa pagsiling, “Kon mabatian ninyo ang tunog sang mga trumpeta, dayon magsinggit kamo, ‘Si Absalom nanginhari sa Hebron!’”
May 200 ka mga tawo nga nag-upod kay Absalom halin sa Jerusalem nga iya gin-agda, wala sila makahibalo sini nga plano kundi nag-upod sila nga wala sing malain nga tinutuyo.
Samtang nagadulot sia sang mga halad, si Absalom nagpatawag man didto sa banwa sang Gilo kay Ahitofel nga amo ang isa sang mga palamangkutan sang hari. Ang plano batok sa hari nagbaskog kag nagdamo ang sumolunod ni Absalom.
Gani si David nagsiling sa tanan niya nga mga opisyales nga kaupod niya didto sa Jerusalem, “Kinahanglan malakat kita sa gilayon, kon luyag kita makapalagyo kay Absalom! Dali, basi maabtan niya kita diri kag lutoson ukon pamatyon kita tanan diri sa siudad!”
Gani ang hari naglakat, upod sang bug-os niya nga panimalay kag sang iya mga opisyales, luas sa iya napulo ka mga babayi nga iya ginbilin sa pag-atipan sang palasyo.
Ang iya tanan nga mga opisyales nagtindog sa iya kilid samtang ang mga gwardya sang hari nag-agi sa iya atubang. Ang 600 ka mga soldado nga nagsunod sa iya halin sa Gat nag-agi man,
kag ang hari nagsiling kay Itai nga ila pangulo, “Ngaa bala maupod ka sa amon? Balik ka, kag mag-upod sa bag-o nga hari. Dumoluong ka kag nakapalagyo halin sa imo kaugalingon nga pungsod.
Nag-estar ka diri sa malip-ot lamang nga tion, gani, ngaa bala maupod ka sa akon? Wala gani ako makahibalo kon diin ako makadto. Balik ka, kag dalha ang imo mga kasimanwa upod sa imo, kag kabay ang Ginoo magmaluloy-on kag magmatutom sa imo.”
Pero si Itai nagsabat, “Mahal nga Hari, nagasumpa ako sa imo sa ngalan sang Ginoo nga magaupod ako gihapon sa imo bisan diin ikaw makadto kag bisan pa mapatay ako.”
Ang mga tawo naghibi sing tudo sang maghalin ang mga sumolunod ni David. Ang hari nga ginasunod sang iya mga tinawo nagtabok sa Sapa sang Kidron, kag nagtabok sila padulong sa desierto.
Si Sadoc nga pari yadto didto kag ang mga Levita kaupod niya nga nagadala sang Kaban sang Kasugtanan. Ila anay ini ginbutang, tubtob ang tanan nga tawo nakahalin sa siudad. Si Abiatar nga pari yadto man didto.
Dayon ang hari nagsiling kay Sadoc, “Dalha ang Kaban sang Kasugtanan pabalik sa siudad. Kon ang Ginoo nalipay sa akon, sa pila ka adlaw pabalikon niya ako agod makita ko ini kag ang lugar nga iya nabutangan.
Kag nagsiling pa gid sia kay Sadoc, “Maayo pa, dalhon mo ang imo anak nga si Ahimaaz, kag ang anak ni Abiatar nga si Jonatan pabalik sa siudad nga wala sing kahadlok.
Si David nagtaklad sa Bukid sang Olivo nga nagahibi. Naglakat sia nga nagatiil lang kag gintabunan niya ang iya ulo sa kasubo. Ang tanan nga nagaupod sa iya nagtabon sang ila mga ulo kag naghibi man.
Sang masugiran si David nga si Ahitofel nagbuylog kay Absalom sa pagrebelde, nagsiling sia, “Kon mahimo, O Ginoo, himua nga walay pulos ang mga laygay ni Ahitofel!”
Sang pag-abot ni David sa putokputokan sang bakulod, sa diin may lugar didto nga ginasimbahan, ang iya salaligan nga abyan nga si Husai nga Arquinhon nagsugata sa iya nga gisi ang iya mga bayu kag may lunang ang iya ulo.
Pero sarang ka makabulig sa akon paagi sa pagguba sang plano ni Ahitofel kon magbalik ka sa siudad kag magsiling kay Absalom, ‘Mahal nga Hari, karon magaalagad ako sa imo subong sang akon pag-alagad anay sa imo amay.’