A panona cha Kâmel zuah Nâbâ ta a panôhmeipa Abikai liata a sapa Khilia châ ta, a pathôhna cha Kesuri bei Tâmai sawchanô Mâkâ sawchapawpa Absalaw châ ta;
Abane cha Isabôse bie reipa vâta a hiehâh ngaita ta, a hnohta, “Kei he Zudâh i luh ma ei châ tly? Tanoh taihta na paw Sawla chhôhkha nata a unawhzy nata a viasazy chô liata phana palâsa na ta, Dâvi ku liata cha hlâ leipa na ta, châhrasala he chanô kyh liata tanoh â do leipa ta eina bai chi.
Abeipa ta Dâvi hnohta bie â taihpa hawhta, Dâvi châta ei taopa vei khiahta la, Khazohpa ta Abane chô liata a kho ta tao sala, cha hlâta pasa viapa chhao ta tao mawh sy.
Khinarâh cha Sawla chhôhkha tawhta pasiepa châ aw ta, Dâvi beidyuchhai cha Izarei nata Zudâh chô liata, Dânâ tawhta Besebâ taihta paduapa a châ awpa kyh Abeipa bietai kha ei patlôpa aw,” tah ta.
Abane ta ano vyuhpa ta Dâvi lâ chyhsa tuah ta, a hnohta, “Râh he ahy eih ma a châ? Ei hnohta bie hraih teh. Izarei zydua nâma lâ a vaw chhi awpa ta, ei ku he na hnohta a y aw,” tah ta.
Dâvi ta, “A pha na, na hnohta bie ei hraih aw. Anodeikua hmo miakha ei châ hnaw. Cha cha he he a cha: ei hmia hmô awpa ta nâ vy tita, Sawla sawchanô Mikâli kha nâ vaw chhi tua leipa khiahta la, ei hmia na hmô thei aw va chi,” tah ta.
Dâvi ta Sawla sawchapawpa Isabôse lâ chyhsa tuah ta, a hnohta, “Philistinâ mo chopaw vo za kha ta ei chaleipa ei lapinô Mikâli kha na vaw pie mah y,” tah ta.
Tahmâ he tao daihti a châ hih. Abeipa ta Dâvi chô liata bie a taih ta, a hnohta, ‘Nâ chakaotuhpa Dâvi ku ta ei phopi Izarei he Philistinâ mo ku tawhta nata ama chariahpa zydua ku tawhta ei pachha aw,’ tahpa ta a vaw rei hapa a châ,” tah ta.
Abane ta Benzami mo chhao chho hra ta. Chatanachata Izarei ta pha ama tahpa zydua nata Benzami chhôhkha zydua ta pha ama tahpazy cha Dâvi chho awpa ta, Abane cha Hebraw lâ sie ta.
Abane ta Dâvi hnohta, “Izarei saw zydua cha ei zibeipa abei lâta a vaw chhi khai awpa ta, tahmâ thyu aw na ta, ei sie aw. Chatanachata na hnohta bie hraih aw ei ta, na palôh khozie zydua hawhta ama chô liata ryu na reih aw,” tah ta. Dâvi ta Abane cha pathlie ta, thlalôhpa ta sie ha ta.
A sie khaipa nahta, Dâvi chakaotuhpazy cha Zôabâ chhaota hrâsiena lâ tawhta vaw tlô ei ta, hraona sôh hluhpi vaw phaoh ei ta. Abane deikua cha Hebraw liata Dâvi hnohta y khao leipa ta, Dâvi ta thlalôhpa ta pasiesa ha ta.
Zôabâ nata a hnohta pheisaih a ypa zydua ama vaw tlô nahta, Zôabâ hnohta, “Nerâ sawchapawpa Abane kha abei lâ a vy ta, abei ta ano cha pasiesa ta, thlalôhpa ta a sie haw,” tahpa ta chho ei ta.
Nerâ sawchapawpa Abane he na pahno mâh tâh. Cha dôvei awpa ta a vypa a châ khawh. Na puana nata nâ ngiana zy pahno ta, na hmo taopa zydua pahno a chhuahpa ta â vypa a châ,” tah ta.
Zôabâ cha Dâvi tawhta a pua nahta, Abane a chadai awpa ta chyhsa tuah ta. Abane cha Sirâ tikhaoh tawhta vaw kuakhei ei ta. Dâvi deikua ta cha, cha kyh cha pahno leipa ta.
Abane cha Hebraw lâ â vaw lie nahta, Zôabâ ta arulâta bie chho awpa a hneipa hawhta a reih ta, thokhy chhikao lâ a chhi ta, a unawhpa Asahe thisaih viarithô nawpa ta a py liata a chô ta, thi ha ta.
Hnôhlâ ta, cha kyh cha Dâvi ta a thei nahta, “Nerâ sawchapawpa Abane thisaih vâna heta kei nata ei beinarâh cha Abeipa hmiakô liata chhâzaw ta eima pathaih.
Thisaih maoh cha Zôabâ luh chô liata tla sala, a paw o liata tla mawh sy. Zôabâ pathlazy hry liata thi lohpa, phawhpa, chôchahrei a chhypa, zaozi ta a thipa nata niedo a phahlapa zy y lymâ mawh ei sy,” tah ta.
Chatawhcha Dâvi ta Zôabâ nata a hnohta chyhsa a ypa zydua hnohta, “Nama chysiazy hrie u la, latho poh a bu u la, Abane hmiakô liata mâchhiesa teh u,” tah ta. Bei Dâvi ta Abane ri cha ano pôhpa tlai ta pathlie ta.
Na ku chahrypa châ leipa ta, Na phei chhao keihrai daipa châ hra vei; Moleipa hmiakô liata paopa hawhta dia, Na vaw pao thlâh haw,” Tahpa ta chaphôh tu ta. Zawpi zydua ta Abane cha chakhei heih ei ta.
Zawpi zydua Dâvi lâ a vy ei ta, noh tla hlâlei pati paniesa a chhuah ei ta. Châhrasala Dâvi ta, “Noh tla hlâta viahchhâ tlyma, hmo hropa khâpa tlyma rai ei nie khiahta cha, Khazohpa ta a kho ta ei chô liata tao sala, cha hlâta pasa viapa chhao ta tao mawh sy,” tahpa ta bie a taih ta.
Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.