Ki piit pooryeet eng' peetuusyek che chaang' eng' kootap Saulo ak kootap Daudi. Ki kimiit Daudi kotesak, ago kinyalul kimnateetap kootap Saulo kwo let.
Weeriinnyi ne po aeng' ko ki Kileap, ne kisichei Abigail ne ki osotyotap Nabal Karmelindet. Ne po somok ko ki Absalom ne kisichei Maaka cheptap Talmai laitoryatap Gesur.
Ki tinyei `Saulo chebaigeiyat ne ki kiguure kainennyi Rispa, cheptap Aia. Ki teebee `Ishbosheth Abner koleenji, “Amu nee si obaigei ak chebaigeiyatap abba?”
Ki nereech anyun miising' `Abner amu ng'aleegap Ishbosheth, ak kowol kole, “Tos Aa metitap seseetap Judah? Ago rani aboorchini myeeindo kootap Saulo kwandang'ung', tupchosyekyik ak choronokyik ak ma andein eutap Daudi, ago kerwokwo rani ile kalel agobo kwonyi.
Yeityo koyookto piik `Abner koba kap Daudi ne kita wendi ineendet koleenji, “Po ng'oo emet? Ngeyai tuwai arorutyet kiyomegei, mi eunnyu kobooten si amutun Israel tugul kobwa ole imi.”
Yeityo koyookto `Daudi piik koba kap Ishbosheth weeriitap Saulo koleenji, “Koono osotyondennyu Mikal ne ki anyoonune koito irirenik pogol che po Philistiik.”
Ki pa ak monong'otyondennyi koriiroti manong'otyondennyi kosubi kwonyooto kot koit Baurim. Eng' yooto po Baurim, koleenji anyun `Abner monong'otyonooto, “Ui, iweektegei.” Ak ki week.
Ki ng'alaalji `Abner Benjamin agine kogas. Yeityo kogeny kwo Abner komwachi Daudi kogas eng' Hebron tuguuk tugul che kigeerei Israel ak kootap Benjamin tugul kole nyolu.
Ki leenji `Abner Daudi, “Ang'eete awendi ak ayumji Israel tugul kiptaiyandennyu laitoryat si kobiit koyai arorutyet kobooten, ak si kobiit ilaitorane che machei muguleldang'ung'.” Eng' let kosaiseret `Daudi Abner, ak ki wo eng' kaalyeet.
Ki pwanei eng' sainooto otwogigap Daudi ak Joab kobunu lugeet ak ki ibu parunenik che chaang'. Ago king'oitu koma mi Abner kobooto Daudi eng' Hebron, amu kiga komwachi `Daudi ineendet kwo eng' kaalyeet.
Kingo it Joab ak lugeet tugul ne ki mi ak ineendet, kemwachi Joab keleenji, “Kanyo Abner weeriitap Ner ole mi laitoryat ak kagoleenji kwo, ak kakwo eng' kaalyeet.”
Ingotebee metitap Joab ak kotebee kootap kwandanyi tugul. Amat kobet eng' kootap Joab chii ne tinyei kusereet anan ne tinyei mogondos anan ne tebenoti kirokto anan ne kibarei eng' rotwetap chok anan ko ne ma tinyei amitwogik.”
Yeityo koleenji `Daudi Joab kobooto piik tugul che ki mi ak ineendet, “Ogereer ngoroikwok ak ogermenegei kuniok yeityo oteiye eng' taitap Abner.” Ak ki isubi Daudi kiit ne ki kisute.
Ki ma ko ratotiin euneguk, ak ki ma ki rat keelyeguk eng' mugurek. Ko uu ye ibutyin chiito taitap lagogap yaityet, ko koibut anyun ko uu nooto. Ak ki riiryo piik tugul kogeny agobo ineendet.
Yeityo kobwa piik tugul komwachi Daudi koamis ye kita ko peet. Ago ki iyasyo Daudi kole, “Ingoyaiywo Kamuktaindet ko uu nooto ak kotes koosir, ngot achamcham amitwogik anan ko kiy age agoi kororokto asiista.”
Aa nyalulat rani, agot nganda aa laitoryat ne ki kiil, ak temena pichu, weeriigap Zeruiah. Ingoyaakyi Kamuktaindet ne Toroor yaindetap yaityet ko uu yaityennyi.”