|
| 1 |
|
| Ebyo ku byahwaire, Daudi yaasingura Abafilisiti, yaabacwa eishaija, yaabanyaga Metegama. |
|
| 2 |
|
| Kandi yaasingura Abamoabu, yaabarambika aha nsi, yaabagyeresa omuguha; emishorongo ebiri yaaba ey'ab'okwitwa, n'ogumwe gwona gwaba ogw'ab'okusaasirwa. Abamoabu baaba abairu ba Daudi, baamushorera emishoro. |
|
| 3 |
|
| Daudi kandi akasingura Hadadezeri, mwene Rehobu, omugabe wa Zooba, obu Hadadezeri yaabaire naaza kukubuura ekyanga ky'aha mugyera Eufuraati. |
|
| 4 |
|
| Daudi yaamunyaga abarikurwanira aha mbaraasi rukumi na magana mushanju, n'abaserukare obukumi bubiri abarikugyendesa ebigyere. Kandi Daudi yaatema embaraasi zirikukurura ebigaari ebiteega; kureka yaatsigaho ezirikubaasa kukurura ebigaari igana. |
|
| 5 |
|
| Abasiriya ba Damasiko ku baizire kuha Hadadezeri omugabe wa Zooba emikono, Daudi yaabaitamu abantu obukumi bubiri n'enkumi ibiri. |
|
| 6 |
|
| Bwanyima yaata ebigo by'abarinzi omuri Aramu eya Damasiko. Abasiriya baaba abairu be, baamushorera omushoro. Nyakubaho yaasinguza Daudi ahi yaabaire naahurura hoona. |
|
| 7 |
|
| Reero Daudi yaanyaga engabo z'ezaabu, ezi abagaragwa ba Hadadezeri baabaire baine, yaazireeta Yerusalemu. |
|
| 8 |
|
| Kandi omugabe Daudi yaanyaga emiringa mingi Beeta na Berotai, endembo za Hadadezeri. |
|
| 9 |
|
| Toi omugabe wa Hamati, ku yaahuriire Daudi asingwire eihe rya Hadadezeri ryona, |
|
| 10 |
|
| yaamutumaho omutabani Yoramu, kumuramutsya n'okumutabaarutsya okurwanisa Hadadezeri, akamusingura; ahabw'okuba Hadadezeri kaingi akaba arwanisa Toi orugamba. Yoramu ogwo yaareeta ebintu by'efeeza n'eby'ezaabu n'eby'emiringa. |
|
| 11 |
|
| Ebyo nabyo omugabe Daudi yaabihongyera Nyakubaho, hamwe n'efeeza n'ezaabu, ebi yaamuhongyeire, abinyagire omu mahanga goona agu yaasingwire: |
|
| 12 |
|
| erya Edomu, erya Moabu, ery'Abaamoni, ery'Abafilisiti, ery'Abaamaleki; n'ebyanyagirwe Hadadezeri, mwene Rehobu, omugabe wa Zooba. |
|
| 13 |
|
| Kandi Daudi akeetungira eiziina. Ku yaabaire naatabaaruka, yaitira Abanyaedomu akakumi kamwe n'enkumi munaana omu ruhanga rw'omwonyo. |
|
| 14 |
|
| Kandi yaata ebigo by'abarinzi omuri Edomu yoona; Abanyaedomu boona baaba abairu be, Nyakubaho yaasinguza Daudi ahi yaahurwire hoona. |
|
| 15 |
|
| Oku nikwo Daudi yaategyekire Isiraeli yoona, akacwera abantu be boona emanja z'oburyo omu bwinganisa. |
|
| 16 |
|
| Obwo Yoabu mwene Zeruuya akaba ari omukuru w'eihe; Yehoshafati mwene Ahiludi ari omuhandiiki w'ebirikubaho; |
|
| 17 |
|
| Zadoki mwene Ahitubu na Ahimeleki mwene Abiyataari bari abahongyerezi; kandi Seraaya ari omuhandiiki; |
|
| 18 |
|
| na Benaaya mwene Yehoyaada naategyeka Abakereti n'Abapeleti, kandi beene Daudi bari abahongyerezi. |
|
|
|
|