|
| 1 |
|
| Daudi akabuuza abari aho ati: Omu b'omuryango gwa Saulo, haine owaatsigaireho, nkamukorera eby'embabazi ahabwa Yonataani? |
|
| 2 |
|
| Mbwenu habaka hariho omuheereza w'omu nju ya Saulo, orikwetwa Ziiba, baamwetera Daudi. Omugabe yaamubuuza ati: Niiwe Ziiba? Onu amugarukamu ati: Eego, niinye omwiru waawe. |
|
| 3 |
|
| Omugabe amubuuza ati: Ebyo hakibaho ow'omu b'omuryango gwa Saulo, nkamukorera eby'embabazi za Ruhanga? Ziiba agarukamu omugabe ati: Hakiriho mutabani wa Yonataani, oremaire ebigyere. |
|
| 4 |
|
| Omugabe amugira ati: Ari nkahi? Ziiba agarukamu omugabe ati: Ari Lodebaari omwa Makiri mwene Amieli. |
|
| 5 |
|
| Omugabe nikwo kutuma bakamwiha Lodebaari omwa Makiri mwene Amieli. |
|
| 6 |
|
| Mefibosheti mwene Yonataani mwijukuru wa Saulo, ku yaahikire Daudi, yaajuumara, yaamutangirira; Daudi yaamweta ati: Mefibosheti! Onu yaamwetaba ati: Ndi aha, omuheereza waawe! |
|
| 7 |
|
| Daudi amugira ati: Otatiina! Niinyija kukukorera eby'embabazi ahabwa sho Yonataani, nkugarurire obutaka bwa Saulo shoimwe bwona, kandi ogume oriire aha meeza yangye. |
|
| 8 |
|
| Mefibosheti amuramya kandi amugira ati: Mbwenu nyowe omwiru waawe niinye oha, iwe okuunyetaho, nyowe embwa efiire? |
|
| 9 |
|
| Bwanyima omugabe ayeta Ziiba omugaragwa wa Saulo, amugira ati: ebyabaire biri ebya Saulo byona n'eby'ab'eka ye, naabiha mwijukuru wa mukama waawe. |
|
| 10 |
|
| Mbwenu iwe na batabani baawe n'abahuuku baanyu mugume mumuhingire emisiri, mumureetere ebi mwerize; mwijukuru wa mukama waawe abone kutunga eky'okurya. Kwonka Mefibosheti mwijukuru wa mukama waawe agume naariira aha meeza yangye. Mbwenu Ziiba akaba aine abatabani ikumi na bataano n'abahuuku makumi abiri. |
|
| 11 |
|
| Ziiba agira omugabe ati: Ebi Nyakusinga omugabe wandagiira, nyowe omwiru waawe niinyija kubikora. Atyo Mefibosheti yaaguma naariira aha meeza ya Daudi nk'omwana w'omugabe. |
|
| 12 |
|
| Kandi Mefibosheti akaba aine omutabani muto orikwetwa Miika; ab'omuka ya Ziiba boona baaba abairu ba Mefibosheti. |
|
| 13 |
|
| Mefibosheti we yaatuura Yerusalemu, yaaguma naariira aha meeza y'omugabe, nobu araabe yaabaire aremaire ebigyere byombi. |
|
|
|
|