Laamiiɗo debbo mo laamani lesdi Saba nani habaru Suleymaanu e tedduŋgal innde Jawmiraawo. Nden o wari haa Suleymaanu, haa o gooŋɗina hikma Suleymaanu bee waɗango mo annditanamji.
O wari haa Urusaliima, o wardi bee yimɓe maako ɗuuɗɓe, bee geelooɗi doondiiɗi kuuje uurɗe e kaŋŋeeri ɗuuɗndi masin e kaa'e ɗuuɗa-samanje. O yotti haa Suleymaanu, o ƴami mo ko o yiɗno ƴamugo fuu.
nyaamdu saare maako e joonde saraaki'en maako e daraago huuwooɓe nder saare maako e limce maɓɓe e hokkooɓe mo njaramji, o laari boo guleteeɗi ɗi o lii'ani Jawmiraawo nder haykaliiru, nden o hayɗini masin.
Mi nuɗɗinaayno haala maajum, sey nde ngarmi, gite am boo ngi'i ɗum. Ndaa, ɓe ngeccaay yam koo reeta maajum. An bee hikma ma e mardi ma, a ɓuri haala ka nanmi piw.
Laamiiɗo Suleymaanu boo hokki laamiiɗo Saba debbo ko o yiɗi e ko o ƴami mo fuu, o ɓesdani mo caahuuji bee caahaaki ɓernde laamiiɗo. Nden laamiiɗo Saba debbo e jaggiiɓe mum kooti lesdi muuɗum'en.
Kala hitaande fuu, yimɓe waranɓe laarugo mo ɗon ngaddana mo caahuuji: Kuuje cardi e kuuje kaŋŋeeri e limce e balmi e kuuje uurɗe e pucci e alfadariije.