Seba tẽng rĩm-poakã kẽnga Zeruzalɛm ne a poorẽ dãmb wʋsgo. B waa ne yʋgma sẽn zɩt parfẽ-rãmb sẽn tar yũ-noogo, ne sãnem wʋsgo, la kug-sõama. La a sẽn ta rĩm a Salmo nengẽ, a soka a Salmo sokds nins fãa sẽn dag n be a sũurẽ.
ne rɩ-nood nins sẽn be rĩmã taabl zugã, la rĩmã tʋmtʋmdbã rotã sẽn yaa to-to wã, ne sõgen-kambã sẽn tʋmd to-to wã, la b yer fut ninsã, ne b sẽn get rĩmã bõn-yũudlã yell to-to wã, la maand sẽn yõogd bugmã rĩmã sẽn maand Sẽn-Ka-Saab roogã pʋgã, a maka goam n konge.
Sã n ka mam sẽn wa tɩ m ninã yãndã, mam dag n ka sak n deeg tɩ yaa sɩd ye. Mam sẽn dag n wʋmdã ka ta mam sẽn yã wã pʋɩ-sʋk meng ye. Yãmb yamã ne y arzegsã yɩɩda mam sẽn dag n wʋm tɩ b gomd to-to wã.
Bɩ Sẽn-Ka-Saab sẽn yaa yãmb Wẽnnaamã paam pẽgre, bala, taa bãmb yam tɩ b yãk yãmb n kɩt tɩ y yɩ Israyɛll rĩmã! Yaa Sẽn-Ka-Saab sẽn nong Israyɛll nebã wakat fãa yĩngã n kɩt tɩ bãmb yãk yãmb tɩ y yɩ rĩmã, n kaood bʋʋdã ne sɩda, la ne tɩrlem.»
Rẽ poore, Seba tẽng rĩm-poakã kõo rĩm a Salmo sãnem kɩlo tus a naas la kobessi, ne parfẽ-rãmb wʋsg sẽn tar yũ-noog wʋsgo, la kug-sõama. Ned ka tol n leb n wa ne parfẽ-rãmb wʋsg sẽn tar yũ-noog a woto wa Seba tẽng rĩm-poakã sẽn wa n kõ rĩm a Salmo wã ye.
Rĩm a Salmo rɩka ra-sõmy wã n pees ra-kʋgs Sẽn-Ka-Saab roogã ne na-yirã yĩnga, la b maana kʋl buud toay-toayã, yɩɩn-yɩɩndbã yĩnga. La hal tɩ ta rũndã, b ka tol n leb n wa ne ra-sõmy wʋsg a woto buud Israyɛlle, la ned me ka leb n yãnd a buud ye.
Rĩm a Salmo kõo Seba rĩm-poakã bũmb nins fãa a sẽn date, la a sẽn kose, n paas kũun a taaba, wa sẽn zems rĩm sẽn ta yẽnda a Salmo wã sẽn tog n kõ. Rẽ zugẽ, Seba rĩm-poakã ne a poorẽ dãmbã lebg n kuila b tẽngẽ.
n paas ne yaood nins yẽnda sẽn deegd toandbã ne lɛɛbdbã nengẽ wã, la ne soolem-dãmb a taabã rĩm-dãmba, wall tẽngã kombɛɛmbã sẽn wat n yaood yaood ninsã.
La rĩm a Salmo leb n kɩtame tɩ b kud sãnem gãn-bãooneg kobs-tã, la a yembr fãa yaa sãnem zɩslem sẽn tat kɩlo a ye la pʋɩ-sʋk la b tall n maane. La a bĩnga bãmb roog ning b sẽn boond tɩ Libã tɩɩs roogã pʋga.
Geerã dag n tara rʋʋdg sẽn tar kogs a yoobe. Geerã rellgã zĩigẽ dag n yaa gilga. B maana nus rogends geerã kɩrems a yiibã fãa, la b maan gɩgma a yiib tɩ b yas yĩngr n yegl nus rogendsã, a yembr goabga, a yembr dɩtgo.
La b maana gɩgma piig la yiibu, tɩ b yas yĩngri. Rʋʋdgã koak fãa zugu, gɩgma a yiib n yas goabg la a rɩtgo. Soolem a to ka tol n maan bũmb a woto buud ye.
Lagd nins rĩm a Salmo sẽn dag n tar n yũudã maana ne sãnem, la teed nins fãa sẽn dag n be roog ning b sẽn boond tɩ Libã tɩɩs roogã pʋgẽ wã maana ne sãnem halaale. Bũmb dag n ka be beenẽ sẽn maan ne wanzuri ye. Bala, rĩm a Salmo zamaanẽ wã, b rag n ka geelgd wanzuri wa bũmb sẽn tar yõod wʋsg ye.
Bala, rĩmã rag n tara koom kogl-bɛd sẽn yit Tarsɩɩs yʋʋm a tãab fãa, n tũud a Hiram koom kogl-bɛdã n wat ne sãnem, wanzuri, wobd yẽna, la wãams ne bulwãado.
La yʋʋmd fãa, nin-kãensã ned kam fãa sã n dag n watẽ, a zãada a kũuni. Yaa wanzuri teedo, sãnem teedo, futu, zab-teedo, parfẽ-rãmb sẽn tar yũ-noogo, la wiid ne bõense.
Rĩm a Salmo tigma saar-dãmb ne wiid wʋsgo. A Salmo rag n tara saar-dãmb tusr la kobs-naase, la wed-rʋʋdb tus piig la a yiibu. Rĩm a Salmo yãka tẽms tɩ yaa saar-dãmbã ne wiidã bĩngr zĩiga, la a ning kẽer Zeruzalɛm pʋgẽ n pẽneg a menga.
Saar a yembr ligd yaa wanzuri kɩlo a nu la pʋɩ-sʋka, la weef a yembr ligd yaa wanzuri kɩlo a yiib la pʋɩ-sʋka. Rĩmã toandb rag n wata ne wiid me n koosd ne Hɛt la Siiri rĩm-dãmbã.