Sɔlɔmɔn bin lɛk fɔrina uman dɛn bad ɛn apat frɔm di kiŋ na Ijipt in pikin we i bin mared, i bin mared ɔda uman dɛn we na bin Moabayt, Amonayt, Idɔmayt, Sidonian ɛn Itayt uman dɛn.
Ɔl dɛn uman yaso na dɛn PAPA GƆD bin dɔn tɛl di Izrɛlayt dɛn se dɛn nɔ fɔ mared bikɔs, dɛn go tɔn dɛn at fɔ de wɔship dɛn yon gɔd dɛn. Bɔt Sɔlɔmɔn nɔ bin bisin, bifo dat na dɛn i bin de mek lɔv wit.
Aw Sɔlɔmɔn bin de ol na so in wɛf dɛn bin de tɔn in at fɔ wɔship ɔda gɔd dɛn; in at nɔ kam de to PAPA GƆD igen lɛkɛ aw in papa Devid in at bin de to PAPA GƆD.
Na pantap wan il na Jerusɛlɛm Sɔlɔmɔn bil ples fɔ de wɔship Kɛmɔsh, dat na di Moabayt dɛn yon gɔd, di ɔda gɔd we PAPA GƆD et bad bad wan. I bin bil ples bak fɔ di ɔda gɔd we nem Molɛk, di Amonayt dɛn gɔd we PAPA GƆD bin et insɛf bad bad wan.
PAPA GƆD tɛl Sɔlɔmɔn se fɔ we i dɔn biev da we de ɛn nɔ kip to in Kɔvinant ɛn nɔ du ɔl wetin i tɛl am, in go tek di kindɔm nain an ɛn gi am to wan pan in ɔfisa dɛn.
PAPA GƆD se in nɔ go tek di wanol kindɔm nain an, bɔt in go lɛf wan pan di fambul dɛn na Izrɛl fɔ an fɔ de rul, ɛn na fɔ in savant Devid in sek ɛn bikɔs i bin dɔn pik Jerusɛlɛm fɔ insɛf.
Dɛn waka frɔm Midian te go Paran, dɔn dɛn tek sɔm man dɛn na Paran fɔ fala dɛn go Ijipt te dɛn rich to di kiŋ. Di kiŋ gi Adad os ɛn land fɔ tap wit tin fɔ it.
Wɛn Adad de na Ijipt nain i yɛri se Devid dɔn day ɛn Joab we na bin kɔmanda na di ami insɛf dɔn day. Nain i tɛl di kiŋ se in want fɔ go bak nain kɔntri.
Rezɔn gɛda man dɛn fɔ de wit am ɛn fɔ fɔm rebɛl grup. Dis grup yaso fɔm wɛn Devid bin dɔnawe wit di ami na Zoba, Dɛn go tap na Damaskɔs ɛn bin kam bi kiŋ.
Rezɔn na bin wan man we bin de mɔna Izrɛl di tɛm we Sɔlɔmɔn na bin kiŋ, ɛn insɛf bin ad to di prɛzhɔ we Adad bin de gi Sɔlɔmɔn. Rezɔn bin de rul Eram ɛn i nɔ bin lɛk Izrɛl.
Di ɔda pɔsin we bin de mɔna Sɔlɔmɔn na Jɛroboam. In papa na Nebat bɔt in bin dɔn day, In mama nem Pɛrua. Jɛroboam na bin wan pan Sɔlɔmɔn in ɔfisa dɛn, ɛn na Zɛrida in kɔmɔt to Ifrem fambul.
Jɛroboam na bin gud wokman, ɛn wɛn Sɔlɔmɔn si se i de wok fayn, i put am fɔ de inchaj ɔf di wokman dɛn we dɛn bin fos fɔ wok we kɔmɔt na Ifrem ɛn Manasɛ dɛn famili eria.
dɔn i tɛl Jɛroboam fɔ tek tɛn pan di twɛlv pis. I tɛl am se PAPA GƆD, di PAPA GƆD fɔ Izrɛl se in go skata di kindɔm na Sɔlɔmɔn in an ɛn gi in di Jɛroboam tɛn pan di fambul dɛn na Izrɛl fɔ de rul.
I se wetin mek in de du dat na bikɔs dɛn dɔn kɔmɔt to am ɛn go wɔship Ashtorɛt, dɛn Sidonian dɛn gɔd wit Kɛmɔsh, dɛn Moabayt yon gɔd, ɛn Molɛk, dɛn Amonayt dɛnsɛf yon gɔd. I se dɛn nɔ du wetin i tɛl dɛn, ɛn sɛf nɔ obe in lɔ we Sɔlɔmɔn in papa Devid bin de obe.
I se na wan fambul nɔmɔ in go gi to Sɔlɔmɔn in bɔypikin fɔ rul; ɛn in de du dat bikɔs in nɔ want in savant Devid in nem fɔ ɔt ɛn fɔseka Jerusɛlɛm we na de in dɔn pik lɛ dɛn de wɔship am