dagba ngbatunga agu aboro re nga agu yo Yekova aya fu awiri aYisaraere, “Ka oni kódi nga tironi na yo ya, ka i kódi nga tiyo na oni a ya, bambiko i ka sa kpotoroni yo ni rengo fuo gayo kungba ambori.” Ono Soromo akpi nyemu yo ki ka kuti yo kindi.
Si ki ta du wa gere, ho Soromo agbinza ni, adiako ki sa kpotoko yo fuo kura kungba ambori; ka kpotoko yo adu nga berewe ni ziazia ha fu Yekova gako Mbori, wa kpoto bako yo adu nangia Dawidi ya.
Soromo ki dua tumbatumba bairisa fu Kemosa, nangia gu gbegberẽ kere he aMoabo anairisa, ri gu bagangara naadu pati Yerusarema ku uroyo, ki dua gu tipa Moroke, nangia gu gbegberẽ kere he aAmono anairisa ha.
Si du Yekova aya ti ni fu Soromo, “Wa mangi mo gere, ka mo aka nga kuti gi zungahe na gimi rugapai ya, nga gu mi arugu ro kuti ni, ni rengo mi akpára ga ngbi be ro, ki fu he fu ga moyambu.
Ka si vura du wo mi akpára nga ngbi dunduko te; ono mi afú gu ngbatunga sa fu wiro bambiko Dawidi nangia gi moyambu, na mbiko pa Yerusarema a nga gu mi asia.”
I ki guari ringara Midiana yo, ki ndu ku Parana yo, i ki rogo akumba Parana yo ki ndu ku Ezipeta yo, koyo du Faro ni nangia bakindo aEzipeto, ko ki fu bambu fu ko, ki ringbisi pa riahe tipa ko, ki fu rago fu ko.
Wirina Tapane ki batika na Adada ni kumbagude rimoko ki ngia Genubata, Tapane andu na Genubata ko ki mbu ha mai ku Faro yo. Genubata ki du na awiri Faro ku Faro yo.
Ho Adada agi he ni Ezipeta yo ya Dawidi kpi fuo atitako, Yoaba nangia barutiri rimbasavura ki kpi a, Adada ki ya fu Faro, “Mo fú gene fere, mi ga ku rogo gi ringara yo.”
Ono Faro ki ya fu ko, “Gini he zanga mo ho no du mi ni, mo akpi nyemu ka ga ti ni ku rogo ga ringara?” Ko ki ya, “Mi azanga nga he te; ono mo fú kina gene fere.”
Ko ki dungura akumba koyo du ko ni, ki moi tiko ni barutirivura fu rikavura, ho Dawidi aimi aboro Soba ni. I ki ndu ku Damaseke yo, ki nye yo, ko ki zogo rago Damaseke yo.
Gu kumba re nangia Yerobama, ko adu ni nyanyaki boro ni ngangarã ko. Ho Soromo abi he ni ya gu paranga re adu ni ngangarã ko, ko ki moi ko ku ri aborosunge nangia ngbatunga Yosefa.
Si ki ta du wa gere ni gu rago re, ho Verobama akuru ni Yerusarema yo, gu nebi nangia Aiya ni boro Sirona ki bi ko gene. Aiya aukadi kpotoko ni vovo roko; i ue ki du rogo hauiago yo ni sa yo.
Ko ki ya fu Yerobama. “Wo rógo gamo Da we; bambiko ya Yekova nga ga aYisaraere Mbori wẽ, ‘Mo ngére, mi nikakpara ngbi be Soromo, ki fu gu ngbatunga bawe foro,
bambiko Soromo ambu re, ki niirisi Asetorete nangia ga aSidona dembori, na Kemosa nangia ga aMoabo mbori, na Mirakoma nangia ga awiri aAmono mbori, ka ko apeka nga gimi asino, ka amanga gu pai ru aru bangire, ki ka kuti gimi rugaapai na gimi asarangbanga, a wa Dawidi anamanga ha nangia bako ya.
Wa vura du he wo mi adia nga ngbi be ko na baha te; ono mi ambú ko ni bakindo wa du ko ni ungako, bambiko Dawidi nangia gi moyambu, nangia gu ko mi asia ko, bambiko ko anaka kuti gimi arugute na gimi rugaapai.
Ono mi afú gu ngbatunga sa fu wiri Soromo, ya ga Dawidi imarago nangia gi moyambu du adu kindi bara bangire Yerusarema yo, nga gu bakporo mi asia ha ni gimi ki moi rimore ti ni.
Si adú wo, ka mo gi sangbare dunduko nga gu mi aruga ro kuti ni, ki nipeke gimi asino, ki nimángi agu apai ru aru bangire ki nika kuti gimi rugaapai, na gimi arugute, a wa gi moyambu anamanga nangia Dawidi, si du mi ki du na mo, ki nyakasi ngbatungaro, a wa mi ananyakasa ngbatunga Dawidi, ki fu aYisaraere foro.
Si du Soromo agbata Yerobama ti ni ka imo ko; ono Yerobama aguari, ki oro ku Ezipeta yo, koyo du Sisaka ni nangia bakindo aEzipeto. Ko ki nye ku Ezipeta yo da kina ho Soromo akpi ni.