ta ando baro avazi phenda gia o alav e Devleko: Altar, altar, gia phenel o Del: Ande familia e Davideki ka biandol iek minono kai ka ikharen le Josias, ta vou ka del kurbano upral pe tute e poponen kai phabaren o taimano pe thana vazdine, ta upral pe tute ka phabarel kokala manusenge.
Isto gua llive o lleno phenda kai ka dikhol iek bari ezgoda e Devletar, ta phenda: Gaia si e bari ezgoda kai ka cherel o Del: O altar ka zatrilpe ta o prajo e iagako kai si pe lete ka avel rispime.
Kana o charo o Jeroboam asunda e llene e Devleko kai diaia po altar ando Betel, inzarda po va ta phenda te phanden le, a o va kai inzarda chapenisailo ta nasti ortosarda le.
Ondaka o charo avilo kai o lleno bichaldo e Devletar, ta phenda leke: Molisao e Devleke pala ma te sai sastol mo va. Ta o lleno molisailo e Devleke, ta o va e charoko sastilo ta achilo sargo omanglal.
A o lleno bichaldo e Devletar phenda e charoke: I te dea man dopas katar cho cher, me ni ka llav tuia ta ni ka jav marrno ta ni ka piav pai pe gava than,
Ande gua vreme zivila ando Betel iek profeta phuro, ta leko chavo avilo lete ta phenda leke sa so cherda o lleno e Devleko ando Betel, ta sa e alava kai phenda e charoke.
ta llelo pala o lleno e Devleko kai aviloia katar o Juda. Ta kana malada le besindo telal tala iek ensina, puchla le: ¿Tu san o lleno bichaldo e Devletar kai avilo katar o Juda? Vou phenda: Ea me sem.
A o phuro kojada le ta phenda leke: I me sem profeta sargo tu, ta iek suecho e Devleko phenda mange te inllarav tut kai mo cher ta te dav tut te ja ta te pie.
Ta nesave llene kai nakhle kotar dikhle e esnaga chudini po drom ta e liono pasa le. Ta kana avile ando o foro kai zivila o profeta phuro, phende leke so dikhle po drom.
Ta kana asunda le o profeta kai cherdaia te irilpe o lleno bichaldo e Devletar katar o Juda, phenda: Vou si o lleno e Gazdako kai phagla o alav e Devleko. Goleke o Del cherda te mundarel le iek liono, isto gia sar phenda le o Del.
Mapalal kana prajosarde le, o phuro phenda pe chavenge: Kana ka merav, prajon man ande gava limori pasa gava lleno kai prajosardem. Thoven me kokala pasa leke kokala,
A o Jeroboam ni keisailo katar po bilacho drom, ta pale thoda poponen katar o foro pe thana vazdine, ta thovela popo pe gala thana vazdine ka vou mangela.