“Wewe Basha, mimi nilikuinua kutoka katika mavumbi, nikakufanya kiongozi wa watu wangu Waisraeli. Wewe umefuata mwenendo wa Yeroboamu. Uliwasukuma watu wangu Waisraeli watende zambi na kunikasirikisha kwa zambi zao.
Tena, neno la Yawe lilifika kwa njia ya nabii Yehu mwana wa Hanani juu ya Basha na jamaa yake, kwa sababu ya maovu aliyotenda mbele ya Yawe. Basha alimukasirikisha Yawe kwa matendo yake; alimwiga Yeroboamu na jamaa yake na kuiletea jamaa yake maangamizi.
Katika mwaka wa makumi mbili na sita wa utawala wa Asa mufalme wa Yuda, Ela mwana wa Basha alianza kutawala kule Israeli akiwa Tirza. Alitawala kwa muda wa miaka miwili.
Jemadari wake Simuri ambaye alisimamia nusu ya kundi ya magari yake ya vita alimwasi. Siku moja, mufalme Ela alipokuwa kule Tirza katika nyumba ya Arsa aliyekuwa musimamizi wa nyumba ya kifalme, alikunywa, akalewa.
Mambo haya yalifanyika kwa sababu ya zambi Basha na mwana wake Ela alizotenda. Walimukasirikisha Yawe, Mungu wa Israeli, kwa kutenda zambi na kuwasukuma watu wa Israeli watende zambi kwa sanamu za miungu yao.
Simuri alitawala kule Israeli akiwa Tirza kwa muda wa siku saba. Huo ulikuwa mwaka wa makumi mbili na saba wa utawala wa Asa mufalme wa Yuda. Watu wa Israeli walikuwa wamepiga kambi kwa kushambulia muji wa Gibetoni wa Wafilistini.
Wakati waaskari wa Israeli waliposikia kwamba Simuri aliasi na kumwua mufalme, wote wakamuweka Omuri, jemadari wa waaskari wao, kuwa mufalme wa Israeli siku ileile.
Jambo hilo lilifanyika kwa sababu ya zambi alizotenda. Alitenda maovu mbele ya Yawe; alifuata mwenendo wa Yeroboamu na kuwasukuma watu wa Israeli watende zambi.
Sasa, watu wa Israeli waligawanyika kwa makundi mawili: kundi moja lilimutambua Tibuni mwana wa Ginati kuwa mufalme, na kundi la pili lilimutambua Omuri.
Omuri alianza kutawala katika mwaka wa makumi tatu na mumoja wa utawala wa Asa mufalme wa Yuda. Alitawala kwa muda wa miaka kumi na miwili. Miaka sita alikuwa anatawala akiwa katika muji wa Tirza.
Alinunua mulima wa Samaria kwa vikoroti elfu sita vya feza kutoka kwa mutu mumoja anayeitwa Semeri, akajenga muji wenye kuta juu yake. Muji wenyewe akauita Samaria, kwa heshima ya Semeri aliyekuwa mwenyeji wa mulima huo hapo zamani.
Alifuata mwenendo wa Yeroboamu mwana wa Nebati na kutenda zambi ambazo aliwasukuma watu wa Israeli watende. Akamukasirikisha Yawe, Mungu wa Israeli, juu ya kuabudu sanamu za miungu.
Katika mwaka wa makumi tatu na nane wa utawala wa Asa mufalme wa Yuda, Ahabu mwana wa Omuri alianza kutawala katika inchi ya Israeli. Alitawala kule Samaria kwa muda wa miaka makumi mbili na mbili.
Tena, zaidi ya kufuata mwenendo mubaya wa Yeroboamu mwana wa Nebati, Ahabu alimwoa Yezebeli binti ya Etibali mufalme wa Wasidoni. Akamutumikia na kumwabudu Bali.
Vilevile, alitengeneza sanamu ya Ashera. Ahabu alitenda maovu mengi, akamukasirikisha Yawe Mungu wa Israeli zaidi ya wafalme wote wa Israeli waliomutangulia.
Wakati wa utawala wake, Hieli wa muji wa Beteli aliujenga upya muji wa Yeriko. Na sawa kabisa na neno Yawe alilosema kwa njia ya Yoshua mwana wa Nuni, Hieli alikufiwa na muzaliwa wake wa kwanza aliyeitwa Abiramu, wakati wa kuiweka misingi ya Yeriko. Akakufiwa vilevile na mwana wake mudogo aliyeitwa Segubu, wakati wa kuweka milango ya muji wa Yeriko.