Kä niɛ mɔ bä jiɛn kä ji̱ mɔ, bi yiëë Kuɔth Nhial ji̱ naŋ guäth mi /ca bi ŋa̱c. Kä mi wa̱a̱ jɛ wä la̱r Ɛ̈-ɣab, kä /cɛ ji̱ bi jek, bɛ ɣä cu näk. A cäŋ ni mɔ ŋa̱a̱thä Kuoth Nhial ɛ ni mëë ɛ ɣän ŋuɛ̈t.
Kä cu E-li-yaa ben thiekä nɛɛni diaal kä cuɛ wëë, “A bi ku mäni nɛy bia ka̱c kam cäri da̱ŋ rɛw? Kä mi ɛ Kuoth Nhial la Kuoth ɔ, kä guɔ̱ɔ̱rɛ jɛ. Kä mi ɛ Baal, kä kua guɔ̱ɔ̱r.” Kä /ken naath ɛ loc kɛ riet.
Muɔcɛ kɔn thääk da̱ŋ rɛw. Kä akɛ mëkɛ rɔ thäk kɛl, kä akɛ na̱kɛ jɛ kä ŋuɔ̱kɛ jɛ dhoon kä ba la̱th wi̱i̱ jiɛn, kä a jɛ /ca do̱p mac. Kä bä thäk in dɔ̱ŋ näk, kä bä la̱th wi̱i̱ jiɛn, kä /cä bi döp mac.
Kä cukɛ thäk in ca ka̱m kɛ ka̱n kä cukɛ jɛ näk, kä cukɛ jɛ cio̱l ciöt kuɔth Baal nikɛ runwaŋ cu mäni cäŋdäär, wäkɛ i̱, “Aɣ kuoth Baal loc nɛy!” Duundɛ ɣöö thilɛ jɔw, kä thilɛ ram mi ci kɛ loc. Kä cukɛ ka̱c wiɛl kɛ yi̱k in ci kɛn ɛ täth.
Kä cuɛ jiɛn car thi̱n, kä cuɛ thäk ŋuɔ̱k dhoon kä cuɛ la̱th wi̱i̱ jiɛn. Kä cuɛ wëë, “Thia̱ŋɛ dha̱a̱ri pi̱i̱ni da̱ŋ ŋuaan kä wuɔcɛ kɛ kä muc in waŋkɛ, kɛnɛ jiɛn.”
Kä kɛ gua̱a̱th mucä thiaŋ, cu gök ni E-li-yaa ben thiekä kä cuɛ wëë, “Aɣ Kuoth Nhial, Kuoth A-bɛ-ram, Kuoth Ay-dhɛk, Kuoth I-thɛ-rɛl, a jɛ ŋa̱ckɛ ɛn walɛ ɛn ɣöö ɛ ji̱n Kuoth kä I-thɛ-rɛl, kɛnɛ ɣöö ɛ ɣän kuanydu, kä la̱tdä ti diaal ti̱ti̱ kɛ ruacdu.
Kä cu E-li-yaa kɛ jiök i̱, “Ka̱pɛ go̱o̱k kuɔth Baal. A thil ram kɛl mi leny.” Kä cukɛ kɛ käp, kä cu E-li-yaa kɛ nööŋ rɛy tɔ̱ɔ̱rä Ki-con, kä cuɛ kɛ näk thi̱n.
Kä kɛ bärɔwdiɛn cuɛ wëë, “Nɛnɛ, wuɔ̱n mi tɔt mi ce̱tkɛ tet ran a took rɔ ni wi̱i̱ yiëër.” Kä cu E-li-yaa jɛ jiök i̱, “Wër jio̱kni Ɛ̈-ɣab i̱, ‘Riali thurbiɛɛliku ikä, kä wër piny a ken nhiaal ji̱ ni ŋak.’ ”