Benhadat, laamiiɗo Siriya'en mooɓti yimɓe konu muuɗum fuu. Laamiiɓe cappanɗe tato e ɗiɗo ɗon ngondi bee maako e mootaaji pucci e pucci. O wari, o taari berniwol Samariya, o haɓi bee maagol.
Ammaa jaŋngo bana wakkati jonta, mi nelan sukaaɓe am haa maaɗa. Ɓe mbiɗititto suudu ma e cuuɗi sukaaɓe ma. Juuɗe maɓɓe koocan ko ɓuri wooɗugo haa gite ma fuu, ɓe ngurtina ɗum.”
Laamiiɗo Isra'iila umri ndotti'en lesdi fuu ngara. O wi'i: “Annde, ngi'e no gorko oo ɗaɓɓirta kalluɗum! O neli haa am ngam rewɓe am e ɓiɓɓe am worɓe e ngam cardi am e kaŋŋeeri am, mi salanaaki mo.”
Nden o wi'i nelaaɓe Benhadat: “Mbi'e laamiiɗo: Ɗum ko a aarti ƴamugo yam, mi huuwan ɗum. Ammaa ɗum ko o umri jonta, mi waawataa mi huuwa ɗum.” Nelaaɓe ngartirani laamiiɗo jaawaabu.
Nden annabiijo feere wari haa Akab, laamiiɗo Isra'iila. O wi'i mo: “Ndaa nii Jawmiraawo wi'i: A yi'i mooɓre honooɓe ɗuuɗnde nde'e na? Mi hokkete nde hannde, ngam haa a faama min woni Jawmiraawo.”
An boo, liman hoore ma jama'aare konu, bana jama'aare nde do'ino haa maaɗa e pucci e mootaaji bana limgal pucci e mootaaji naane. Sey en kaɓa bee maɓɓe haa daldal, nden kam en ɓuran ɓe semmbe.” O nani bolle maɓɓe, o waɗi non.
Fahin goɗɗo Allah go wari haa laamiiɗo Isra'iila, wi'i mo: “Ndaa nii Jawmiraawo wi'i: Siriya'en mbi'i Jawmiraawo o ɗowanteeɗo kooseeje, naa o ɗowanteeɗo waadiiji. Ngam maajum mi hokkete mooɓre mawnde nde'e fuu haa juŋngo ma. Bana nii on paaman min woni Jawmiraawo.”
Benhadat wi'i Akab: “Berniiji ɗi baaba am hooci haa baaba ma, mi hokkititte ɗi. A waawan boo waɗugo filu haa Damas bana baaba am waɗi nder Samariya.” Akab wi'i: “Min mi haɓɓan alkawal bee ma, nden mi accete a dimo.” Ɓaawo haɓɓugo alkawal nga'al, o yoofti mo o dimo.
O wi'i mo: “A ɗowtanaaki sawtu Jawmiraawo. Ngam maajum, ndaa, saa'i to a ɗon dilla ɗo, mbarooga mbarete.” Nde o dilli o acci mo, mbarooga naŋngi mo, mbari mo.
Nde laamiiɗo ɗon saalo, annabiijo wookani mo, o wi'i: “Barkaama, mi ɗonno nder haɓre, goɗɗo seli, waddani yam goɗɗo feere, wi'i: Aynu mo. To o daɗi, mi mbarete malla boo a yoɓan cardi kilo cappanɗe tati.
Nden annabiijo wi'i mo: “Ndaa nii Jawmiraawo wi'i: Nde a acci goɗɗo mo mi annini nattingo mo, a yoɓan ɗum bee yoŋki ma e ummaatoore ma maayan mbattudi ummaatoore maako.”