Ya Ehabụ nọ sị Nabọtụ, “Ye m alị vaịnị ị nị m gi rụn ugbo mkp'ẹhụhụọ, ebe o mẹni ọ nọkunmẹ obi-eze m. M k'e ye i alị vaịnị ka mma gi nọkin ẹnya a; omẹni ọ ka ị mma n'i reye m'ẹ, m k'a kụ ị ihiẹn ọwụlẹ ị sị m kụ ị.”
Ya Ehabụ nọ rọnmẹ ihun lama, iwe hụ e we ẹ nị Nabọtụ onyẹ Jezriẹlụ sị, “Eyekọ m'ị ukuu ndị nẹdi m wẹ.” Ehabụ e dinẹ elu-ukpo, rọnmẹ ihun, bu ihun zinmẹ ụsụọ-ẹjan, jụ ihiẹn-oriri.
Ehabụ nọ sị a, “M sị Nabọtụ onyẹ Jezriẹlụ ‘Reye m alị vaịnị ị; omẹni i chọ nị m ye i ọzọ gi nọkin ẹnya a, e ye m'i.’ Kanị, ọ sị, ‘Eyekọ m'ị alị vaịnị m.’ ”
Ya Jezibẹlụ nọ gi ẹfan Ehabụ de ẹkụkwọ-ozi ndị o de, gi ihiẹn Ehabụ gi e biye ẹka biye wẹ ẹka. Ọ nọ zisọnmẹ ẹkụkwọ-ozi ndị hụ jẹnni ndị-ichẹn lẹ ndị-isi ọkịkị obodo hụ Nabọtụ bi.
Ya Ẹlaịja nọ jẹn d'e kunrun Ehabụ. Ehabụ a hụn Ẹlaịja, ọ nọ sị a, “Onyẹ-iwe m, y'a hụnzịkwọ m!” Ẹlaịja nọ sị a, “A hụngụọ m'ị, makẹni y'e buchanrịngụọ enwẹn i che imẹ ihiẹn rịlẹni mma ẹnya Osolobuẹ.
Ogẹn Ehabụ gi nụgụ ihiẹn ndịnị Ẹlaịja ku, ọ nọ tika ẹwuru ẹ, yiri ẹkpa-mkpụrụ hụn wụ ẹkwa-achọ, nọkẹ onyẹ njọ a rị e wutẹ; o bu ọnụ. O yi ẹkpa ahụn ranhịn; o mẹshịazịnị ẹhụ.